Вынікі "Ночы музеяў-2020"

Вось і завяршылася чарговая «Ноч музеяў». У гэтым годзе яна праводзілася ў онлайн-фармаце. Супрацоўнікі музея...

І зноў пра майскую музейную ноч

18 мая ва ўсім свеце музейшчыкі будуць адзначаць прафесійнае свята. Менавіта ў гэты дзень праводзіцца міжнародная акцыя...

Пошукі затопленнага савецкага танка (працяг)

8 мая, напярэдадні дня Вялікай Перамогі, навуковыя супрацоўнікі музея адправіліся ў даўно запланаваную экспедыцыю па...

Пытанні II тура квіз-марафона “Пра тую зямлю, дзе нарадзіўся ты”.

Шаноўныя аматары краязнаўства, мы працягваем гістарычны квіз-марафон “Пра тую зямлю, дзе нарадзіўся ты”....

Пошук затопленага савецкага танка

У ваенны камісарыят Глыбоцкага і Шаркоўшчынскага раёнаў звярнуўся жыхар Глыбокага Тумчонак Вячаслаў Іванавіч з...

Далей ад віруса, бліжэй да музея!

Прыстасуйцеся пад зменлівыя ўмовы!  ...

Памяць сэрца

У адрас Глыбоцкага раённага выканаўчага камітэта паступіў зварот грамадзянкі Кімстач Ганны Дзмітрыеўны з просьбай...

Члены Глыбоцкага часовага ўпраўлення і Пліскага валаснога сялянскага камітэта (1939)Прыгожая, круглая дата, якая змяшчае ў сабе цяжкі перыяд пасляваеннага аднаўлення, час інтэнсіўнага прамысловага росту, развіццё сельскай гаспадаркі, эканомікі, сацыяльнай сферы. Давайце разам прыгадаем падзеі 80-гадовай даўніны.

15 студзеня 1940 года ўтвораны Глыбоцкі раён, які стаў адміністрацыйнай адзінкай Вілейскай вобласці. Тэрыторыі раёна склала 592 кв.км. і ўключала гарадскі і 10 сельскіх Саветаў. Агульная колькасць двароў – 7 440, насельніцтва – 37 740 жыхароў (у т.л. Глыбокае – 9 650 чалавек, жылых пабудоў – 1 124).
Першым старшынёй райвыканкама выбраны Павел Антонавіч Куксёнак. Глыбоцкі РК КПБ узначаліў Васіль Трафімавіч Аніськавец, другі сакратар – Міхаіл Дзмітрыевіч Малыгін, трэці – Аляксандр Барысавіч Чычылейчык.
З 12 лютага 1940 года пачалі арганізоўваць сельскія Саветы. Старшынёй гарсавета зацверджана кандыдатура Рамана Ануфрыевіча Варатынскага. З 9 красавіка 1940 года паступова зацвярджаліся старшыні сельскіх Саветаў.
Па стану на 1940 год у Глыбоцкім раёне працавалі 3 млыны, торфазавод, 2 цагельныя прадпрыемствы. У горадзе дзейнічаў млын, смалярня, мылаварны і гарбарны заводы, швейная і шавецкая арцелі, 2 электрастанцыі, цукерачная фабрыка, хлебапякарня, мясакамбінат.
У 1940-41 навучальным годзе ў Глыбоцкім раёне адчынена 49 школ (1 сярэдняя, 3 сямігадовыя, 45 пачатковых). У школах працавала 170 настаўнікаў і навучалася 5 694 вучні. Загадчыкам РАНА быў прызначаны Аляксандр Андрэевіч Арцілоўскі.
У раёне дзейнічала бальніца на 140 ложкаў, амбулаторыя, 2 сельскія бальніцы, 2 сельскія амбулаторыі, 4 ФАПы.
У Глыбокім дзейнічаў дом сацыялістычнай культуры пры якім працавалі літаратурны, харавы, драматычны і музычны гурткі.
Такім чынам глыбачане прыстасоўваліся да новай улады. Аднак укараненню новых форм у розныя сферы жыцця перашкодзіла Вялікая Айчынная вайна. Апошняе перадваеннае пасяджэнне раённага камітэта партыі адбылося 21 мая 1941 года. На ім былі абмеркаваны пытанні дзейнасці пярвічных арганізацый, добраўпарадкаванне прадпрыемстваў, калгасаў, населеных пунктаў, кадравыя пытанні.

Вось такім быў Глыбоцкі раён 80 гадоў таму назад. Кожнае новае дзесяцігоддзе прыносіла сваю адметнасць у агульную гісторыю раёна - непаўторную, асаблівую і дарагую кожнаму глыбачаніну! У фондах нашага музея захоўваюцца самыя розныя матэрыялы акрэсленай вышэй тэматыкі: фотаздымкі, дакументы, друкаваныя выданні, узнагароды і інш. Пазнаёміцца з імі Вы можаце на старонках нашага сайта.