Дзень Незалежнасці і юбілей горада.
3 ліпеня 2024 года горад Глыбокае адсвяткаваў Дзень Незалежнасці, 80-я ўгодкі вызвалення Беларусі ад нямецка-фашысцкіх захопнікаў і 610-гадовы юбілей. Пасля заканчэння ўрачыстай часткі, на Цэнтральнай плошчы горада былі арганізаваны масавыя забаўляльныя мерапрыемствы. Супрацоўнікі нашага музея прынялі ў іх актыўны ўдзел, падрыхтаваўшы гісторыка-пазнавальную пляцоўку “Open air па-музейнаму”. Увазе жыхароў і гасцей горада была прадстаўлена выстава макетаў зброі часоў Вялікай Айчыннай вайны (з фондаў Бягомольскага музея народнай славы), якая суправаджалася гульнёй ˮПацэліць у мішэнь“. Любы жадаючы мог разгледзець прадметы музейнай калекцыі і паслухаць цікавае апавяданне пра іх, а таксама праявіць сваю эрудыцыю і прадэманстраваць веды па гісторыі, адказаўшы на гульнявыя пытанні-кулі рознага ўзроўню складанасці.
Памятны здымак са зброяй Вялікай Перамогі на фоне шалаша з яловых лапак, дазволіў усім жадаючым зафіксаваць незабыўныя эмоцыі і атмасферу свята.
(3 ліпеня 2024 гоад)
