Калядныя падарункі
Кароткія снежаньскія дзянькі напярэдадні Калядаў і Новага года – гэта той непаўторны час, ад якога заўжды чакаеш маленькіх цудаў і прыемных падарункаў. Вось і супрацоўнікі музея (дарма, што людзі дарослыя) вельмі спадзяваліся на які-небудзь гасцінец ад “Дзядулі Марозу”, і ён такі не заставіў сябе доўга чакаць.
Дарагім падарункам для нас стала старадаўняя паштоўка з выявай Сабора Раства Прасвятой Багародзіцы, на якой добра бачны, таксама, былы кармеліцкі кляштарны корпус і “Капаніца” (колішнія манастырскія ставы, на месцы якіх пасля вайны быў узведзены кансервавы завод).
Асаблівыя ўражанні выклікае і другі падарунак – незвычайнага выгляду драўляны гадзіннік, аздоблены стылізаванай выцінанкай з ўзорамі на дударскую тэматыку, зробленыя майстрам Андрэем Мартынюком з Дзяржынска. Мы шчыра дзякуем усім нераўнадушным людзям, хто прыклаў руку да гэтага маленькага каляднага цуда. Ваша руплівая праца дзеля захавання гісторыка-культурнай спадчыны нашага краю не будзе забытая.