Музей вёскі Шоці

Супрацоўнікі музея нядаўна пабывалі ў творчай камандзіроўцы. Даведаўшыся пра тое, што ў вёсцы Шоці намаганнямі...

Візіт пасольства Італьянскай Рэспублікі ў Глыбоцкі раён

Штогод 4 лістапада грамадзяне Італіі адзначаюць Дзень нацыянальнага адзінства і Узброеных Сіл – свята, прысвечанае...

Незвычайная знаходка

Стала ўжо добрай традыцыяй, калі знойдзеныя на гарышчах старых дамоў ці на прасторах інтэрнэт-аўкцыёнаў прадметы...

«Дарога памяці»

У верасні 2019 года на тэрыторыі Глыбоцкага раёна праходзіла акцыя памяці «Во славу общей Победы», прысвечаная 75-годдзю...

Пытанні IV тура квіз-марафона “Пра тую зямлю, дзе нарадзіўся ты”

Падыходзіць да фінішу гістарычны квіз-марафон “Пра тую зямлю, дзе нарадзіўся ты”, які на працягу апошніх месяцаў...

Навукова-практычная канферэнцыя "Беларусь, Глыбоцкі край і Эдвард Вайніловіч»

Навукова-практычная канферэнцыя "Беларусь, Глыбоцкі край і Эдвард Вайніловіч» прайшла ў Глыбокім 25 верасня 2020 года....

Адкуль карані Аляксандра Грына?

Знайсці адказ на гэта пытанне паспрабавалі ўдзельнікі велапрабега «Пунсовыя ветразі», прысвечанага 140-годдзю з дня...

Прадстаўнікі польскай парламенцкай дэлегацыі і кіраўніцтва Глыбоцкага раёна23 жніўня ў Глыбокім сустракалі афіцыйную парламенцкую дэлегацыю Рэспублікі Польшча на чале з віцэ-маршалкам Сойма Рышардам Тэрлецкім. Польскую дэлегацыю суправаджалі Надзвычайны і Паўнамоцны пасол Рэспублікі Польшча ў Рэспубліцы Беларусь Артур Міхальскі і дэпутаты Палаты Прадстаўнікоў Нацыянальнага сходу Рэспублікі Беларусь.
Наш раён звязваюць з некаторымі рэгіёнамі Польшчы даўнія сяброўскія і дзелавыя адносіны, а таму не дзіва, што, завітаўшы на Беларусь, гэта прадстаўнічая дэлегацыя вырашыла наведаць менавіта Глыбокае, тым больш, што ў нашым горадзе хапае цікавых мясцін, звязаных з гісторыяй Польшчы.

На адной з іх і пабывала польская дэлегацыя, а менавіта – на могілках па вул. Горкага, дзе яе сустрэў віцебскі біскуп Алег Буткевіч і прадстаўнікі мясцовай польскай дыяспары. Копцеўскія могілкі – старажытнае месца, дзе глыбачане не адно стагоддзе хавалі памерлых. У пачатку 19 стагоддзя тут пачалі хаваць сваіх братоў і глыбоцкія манахі кармеліты босыя. З тае нагоды ў 1805 годзе пад кіраўніцтвам айца Мікалая Буднага на прыдарожным пагорку была пабудавана капліца Святога Іллі.
Але яшчэ раней – у канцы 18 стагоддзя – на суседнім пагорку была ўзведзена мемарыяльная калона ў гонар Канстытуцыі Рэчы Паспалітай 3 мая 1791 года – першай канстытуцыі Еўропы, якая адразу прыцягнула ўвагу польскіх гасцей. Узвядзенне ў нашым горадзе гэтага помніка выразна сведчыць пра той энтузіязм і павагу, з якімі на Глыбоччыне сустрэлі прыняцце Асноўнага Закону нашай тагачаснай краіны. Гэты дакумент не здолеў выратаваць Рэч Паспалітую – ужо праз чатыры гады яе тэрыторыя была канчаткова падзелена паміж суседнімі дзяржавамі. Тым не менш, Канстытуцыя 3 мая для сучаснікаў тых падзей, для іх нашчадкаў ды і для цяперашніх пакаленняў стала яскравым сімвалам барацьбы за свабоду і справядлівасць, за незалежнасць і лепшы лёс Бацькаўшчыны. Сёння мы можам з упэўненасцю адзначыць, што падзеі, якія адбываліся 3 мая 1791 года ў Варшаве – гэта гонар не толькі польскага народа, але і ўсіх народаў, для якіх Рэч Паспалітая была Радзімай – у тым ліку, безумоўна, і беларускага.
Малебен на польскім ваенным захараненніЗацікавіў польскую дэлегацыю і мемарыял, які знаходзіцца на Копцеўцы – польскае вайсковае пахаванне жаўнераў, якія загінулі падчас польска-савецкай вайны 1919-1921 гадоў. Тут знайшлі вечны спакой 148 польскіх вайскоўцаў, большасць з іх загінула ў чэрвені 1920 года, калі на Глыбоччыне вяліся ўпартыя, жорсткія баі. Мемарыял, адкрыты ўпершыню ў лістападзе 1921 года, у мінулым годзе быў грунтоўна абноўлены на сродкі польскага ўрада. Нягледзячы на тое, што падзеі той вайны, як і яе цяжкія для Беларусі наступствы даўно мінулі, але нам варта памятаць пра іх, а таксама з павагай ставіцца да ўсіх ахвяр гэтай вайны.
Пасля таго як біскуп Алег Буткевіч адслужыў кароткі малебен, прадстаўнікі дэлегацыі, аддаўшы даніну павагі сваім памерлым суайчыннікам, накіраваліся ў глыбоцкі касцёл Святой Троіцы, на наведванні якога і скончылася іх знаёмства з нашым горадам.
Пра адметнасці Глыбокага і яго гісторыю парламентарыям распавёў навуковы супрацоўнік музея Ігар Фёдараў.
Развітваючыся, госці шчыра падзякавалі за сардэчны прыём і выказалі ўпэўненасць у тым, што братэрская сувязь паміж беларускім і польскім народамі будзе мацнець год ад году. А ці можа быць інакш?