Зберажом нашу спадчыну
18 красавіка адзначаецца Міжнародны дзень помнікаў і гістарычных мясцін. Наш музей далучыўся да святкавання гэтай даты, падрыхтаваўшы шэраг мерапрыемстваў, накіраваных на прыцягненне ўвагі грамадскасці да пытанняў абароны і захавання гісторыка-культурнай спадчыны.
На працягу дня ў музеі працавала фотавыстава ў акне «Прайдзіся па памятных мясцінах!», якая заклікала гараджан і гасцей нашага горада, якія праходзілі каля будынка музея, па-новаму зірнуць на ўнікальныя архітэктурныя аб'екты і скульптурныя кампазіцыі нашага рэгіёну. А яшчэ ў гэты дзень кожны жадаючы змог здзейсніць віртуальнае падарожжа і знаёмства з гістарычнай спадчынай, седзячы ў зручным музейным крэсле. Ну а самыя неабыякавыя да пытання захавання спадчыны глыбачане змаглі прыняць удзел у працоўным дэсанце па навядзенні парадку на тэрыторыі, прылеглай да будынка былога кляштара кармелітаў.
Помнікі і гістарычныя мясціны - гэта частка нашай гісторыі. Берагчы і захоўваць іх - значыць захоўваць сябе, сваё мінулае, сваю культуру.
(18 красавіка 2024 года)
