"Зімовы маршрут" працягваецца...
30 студзеня 2023 года наш горад сустракаў удзельнікаў рэспубліканскага патрыятычнага працоўнага праекта Беларускага рэспубліканскага саюза моладзі "Зімовы маршрут". Гэта байцы зводнага студэнцкага атрада "Час першых" імя двойчы Героя Савецкага Саюза Аляксея Архіпавіча Лявонава. Віталі іх на глыбоцкай зямлі намеснік старшыні райвыканкама Таццяна Тарасевіч і другі сакратар Віцебскага абкама ГА БРСМ, камандзір абласнога штаба студатрадаў Жана Нарыцына.
Удзельнікі праекта наведалі мемарыяльны комплекс "Барок", дзе адбыўся жалобны мітынг, падчас якога маладыя людзі аддалі даніну памяці савецкім воінам, якія загінулі ў Беразвецкім лагеры ваеннапалонных. З экскурсам у гісторыю гэтага месца пазнаёміў прысутных навуковы супрацоўнік музея Ігар Фёдараў.
Патрыятычны праект "Зімовы маршрут" быў упершыню рэалізаваны ў 2021 годзе. У час зімовых канікул студэнты ВНУ краіны адправіліся ў падарожжа па Беларусі, каб пазнаёміцца з гістарычнай і культурнай спадчынай рэгіёнаў, сустрэцца са школьнікамі, правесці працоўныя акцыі, майстар-класы, аказаць дапамогу ветэранам Вялікай Айчыннай вайны. Глыбоччына ўдзельнікаў патрыятычнага праекта прымае ўпершыню.