«Камсамол – мой лёс»

29 кастрычніка 2019 года ў сценах нашай установы прайшла музейная сустрэча «Камсамол – мой лёс», прымеркаваная да 101-й...

Падзяка за працу

За значны ўклад у развіццё, захаванне і папулярызацыю гісторыка-культурнай спадчыны Глыбоччыны, працоўны калектыў...

Музей навукі ў нашым горадзе

З 25 кастрычніка па 24 лістапада 2019 года ў музеі будзе праходзіць незвычайная інтэрактыўная выстава. Наведаўшы наш музей...

IV Нацыянальны форум "Музеі Беларусі"

З 4 па 6 кастрычніка 2019 года ў Брэсце адбыўся IV Нацыянальны форум "Музеі Беларусі". Наш музей у чацвёрты раз прыняў актыўны...

Падарожжа ў Парыж

Як і было заяўлена раней, у суботу 28 верасня моладзь Глыбоччыны адправілася ў займальную велаэкскурсію. Канчатковым...

Новы экспанат

Новы экспанат папоўніў музейную калекцыю старадаўніх паштовак. Набытая на інтэрнэт-аўкцыёне паштоўка была перададзена...

Сусветны дзень без аўтамабіля

Стала ўжо добрай традыцыяй праводзіць у гэты дзень вандроўкі на веласіпедзе па роднаму краю. У мінулым годзе 22 верасня...

Прадстаўнікі польскай парламенцкай дэлегацыі і кіраўніцтва Глыбоцкага раёна23 жніўня ў Глыбокім сустракалі афіцыйную парламенцкую дэлегацыю Рэспублікі Польшча на чале з віцэ-маршалкам Сойма Рышардам Тэрлецкім. Польскую дэлегацыю суправаджалі Надзвычайны і Паўнамоцны пасол Рэспублікі Польшча ў Рэспубліцы Беларусь Артур Міхальскі і дэпутаты Палаты Прадстаўнікоў Нацыянальнага сходу Рэспублікі Беларусь.
Наш раён звязваюць з некаторымі рэгіёнамі Польшчы даўнія сяброўскія і дзелавыя адносіны, а таму не дзіва, што, завітаўшы на Беларусь, гэта прадстаўнічая дэлегацыя вырашыла наведаць менавіта Глыбокае, тым больш, што ў нашым горадзе хапае цікавых мясцін, звязаных з гісторыяй Польшчы.

  1. Бюст Якуба Коласа ў Парку Паэзіі
  2. Самалёт Су-24
  3. Вішнёвая рэзідэнцыя
  4. Герб г. Глыбокае каля СШ №1
  5. Помнік у гонар 100-годдзя беларускай міліцыі
  6. Скульптурная кампазіцыя “Веласям’я”
  7. Танк Т-72 у Парку Перамогі
  8. Скульптурная кампазіцыя “Дружба народаў” на Цэнтральнай плошчы
  9. Дзіцячая пляцоўка “Брыганціна”

Пад час выступлення24 ліпеня 2019 года навуковы супрацоўнік музея Дзмітрый Абрамчык і экскурсавод культурна-дэндралагічнага комплексу в. Мосар Марына Ткачонак з творчай місіяй наведалі лячэбна-працоўны прафілакторый № 9 горада Віцебска. Галоўная мэта гэтага візіту - пазнаёміць супрацоўнікаў установы і людзей, што праходзяць тут рэабілітацыю, з прыгажэйшым месцам на паўночным захадзе Віцебскай вобласці - вёскай Мосар, дзе знаходзіцца старадаўні касцёл Святой Ганны і знакаміты культурна-дэндралагічны комплекс. Па сутнасці, гэта была віртуальная экскурсія, дзякуючы якой прысутныя змаглі пазнаёміцца з багатай гісторыяй вёскі, з мясцовымі адметнасцямі і, канешне ж, з асобай легендарнага ксяндза Юозаса Булькі, які быў вядомы сваёй непрымірымай барацьбой з п'янствам.

Выстава "Маляваныя сны"У дні "Вішнёвага фестывалю" у нашым горадзе прайшоў абласны пленэр майстроў дэкаратыўнага жывапісу “Райскі сад – 2019”, прысвечаны творчасці Язэпа Драздовіча. Супрацоўнікі нашага музея прынялі актыўны ўдзел у працы пленэра. Для мясцовых жыхароў і гасцей фестывалю была арганізавана і праведзена выстава маляваных дываноў «Маляваныя сны». На ёй былі прадстаўлены работы не толькі Язэпа Драздовіча, але і іншых майстроў гэтага папулярнага на Глыбоччыне напрамку народнага мастацтва. Улічваючы тое, што выстава праходзіла на адкрытым паветры (пляцоўка музейнага панадворка), маляваныя дываны з фондаў нашага музея змаглі ўбачыць усе жадаючыя.

Падарунак глыбачанам ад прадстаўнікоў роду КорсакаўКожны год на “Вішнёвы фестываль” прыязджаюць госці з розных куткоў нашай краіны, а таксама госці з далёкага і блізкага замежжа. Асабліва людна ў гэтыя дні ў музеі. Нават тыя, хто ўжо раней знаёміўся з экспазіцыяй музея, зноў прыходзяць да нас, і шмат хто не з пустымі рукамі. Гэты фестываль не стаў выключэннем.

Медаль Амерыканскага біяграфічнага інстытута, уручаная Барысу Кіту пасля занясення яго імя ў залу славыНаш даўні сябар, член-карэспандэнт Нацыянальнай акадэміі навук Беларусі, доктар біялагічных навук, прафесар Майсяёнак Андрэй Георгіевіч перадаў музею некаторыя ўнікальныя прадметы з архіва вядомага навукоўца ў галіне астранаўтыкі, заслужанага прафесара Мэрылендскага ўніверсітэта (ЗША), старэйшага члена Амерыканскага таварыства астранаўтыкі, ганаровага члена Брытанскага міжпланетнага грамадства, члена камітэта міжнароднай Акадэміі астранаўтыкі (Парыж) Барыса Кіта. Асабістыя рэчы вучонага былі перададзеныя нашаму музею не выпадкова - Барыс Кіт называў горад Глыбокае сваёй другой радзімай. Справа ў тым, што ў гады нямецкай акупацыі Барыс Кіт працаваў настаўнікам матэматыкі ў Паставах. Па падазрэнні ў сувязях з партызанамі ён быў арыштаваны гестапа і адпраўлены ў Глыбоцкую турму, дзе кожны дзень чакаў расстрэлу. Дзень вызвалення з турмы ён потым называў днём свайго другога нараджэння.

Кніга А.Майсяёнка "55 год у нутрыцыялогіі"Прэзентаваў Андрэй Майсяёнак нашаму музею і сваю кнігу «55 гадоў у нутрыцыялогіі». Гэта праца была падрыхтаваны нашым земляком-навукоўцам да свайго 75-годдзя. Кніга з дароўным надпісам зойме ганаровае месца сярод экспанатаў нашага музея.

Кніга Тадэуша Даленга-Мастовіча "Прафесар Вільчур" (1939 г)Унікальны падарунак паднеслі жыхарам Глыбокага ў дні фестывалю нашы даўнія госці з Польшчы, прадстаўнікі знакамітай сям'і Корсакаў. Яны перадалі музею рарытэтнае выданне, кнігу нашага земляка Тадэвуша Даленга-Мастовіча «Прафесар Вільчур». Гэты твор з'яўляецца працягам папулярнага ў той час у Польшчы рамана «Знахар». Прыжыццёвае выданне, якое з'яўлялася ўласнасцю адной з бібліятэк Львова, сёння прывезена на радзіму пісьменніка і перададзена ў экспазіцыю нашага музея.

Ад імя ўсіх глыбачан мы дзякуем нашых сяброў за падарункі, якія папоўнілі фонды музея. Спадзяёмся на далейшае супрацоўніцтва!

 

Капітаны каманд на галоўнай сцэне городу

У чарговы раз для глыбачан, якія цікавяцца гісторыяй і любяць актыўны адпачынак, супрацоўнікамі музея быў праведзены гарадскі квэст. Адбыўся ён у рамках VII Вішнёвага фестывалю, таму і назву атрымаў адпаведную – “Таямніцы вішнёвай квецені”. Нягледзячы на тое, што за пару гадзін да старту над горадам “разверзліся хлябі нябесныя” і моцны лівень з громам і маланкай пагражалі сарваць гульню, бліжэй да яе пачатку непагадзь уляглася, і на старт выйшлі 15 каманд-удзельніц.

А гульня пачынаецца з усмешкі...Каманда РУП "Белтэлекам" на старцеНа працягу ўсяго мерапрыемства супрацоўнікі музея – “вядучыя” квэсту – падтрымлівалі з усімі яго ўдзельнікамі пастаянны нябачны кантакт. У наш час такую магчымасць прадстаўляюць спецыяльныя праграмы для смартфонаў, якія даўно сталі часткай нашага паўсядзённага жыцця. Адна з такіх праграм, усталяваная на тэлефонах удзельнікаў і вядучых, і стала сувязным звяном усяго квэсту.

Сутнасць гульні была даволі простая: на старце каманды-ўдзельніцы атрымалі канверты з дзевяццю аднолькавымі пытаннямі, у якіх былі зашыфраваны дзевяць выдатных мясцін Глыбокага. Пры гэтым каманда не была абмежавана ў чарговасці праходжання заданняў, кожная група была вольная сама выбіраць на якое пытанне яна будзе шукаць адказ у першую чаргу, а на якое – у апошнюю. Такім чынам, удзельнікі самастойна фармавалі маршрут праходжання квэсту.

Першае абмеркаванне каманды-пераможцы квэстуДабраўшыся да схаванага ў пытанні аб’екта, члены каманды павінны былі сфатаграфавацца на яго фоне і тут жа адправіць гэта фота з нумарам адказу вядучым квэсту. Атрымаўшы фота, вядучыя паведамлялі пра тое, правільна ці няправільна яны выканалі заданне. За правільныя адказы камандзе высылалася адно з дзевяці слоў, з якіх у выніку неабходна было скласці выслоў’е класіка беларускай літаратуры Якуба Коласа, якое стала своеасаблівым сімвалам усяго квэсту: “Добра быць у дарозе, якую ты сам сабе выбіраеш”.

 Каманда "вішнёвая казка" у адным са знойдзеных аб'ектаўПры вызначэнні трох прызавых месцаў журы зыходзіла з правільнасці знойдзенага аб’екта, хуткасці праходжання і дакладнасці перадачы сэнсу складзенага выразу.

“Бронзавым” прызёрам гульні стала каманда Глыбоцкага малочнакансервавага камбіната, другое месца занялі прадстаўнікі Глыбоцкага раённага аддзела па надзвычайных сітуацыях, а перамога дасталася камандзе Глыбоцкага дзяржпрафліцэя.

Шчыра дзякуем ўдзельнікам квэсту за іх упартасць, вытрымку і мэтанакіраванасць. Мы упэўнены, што гэта не апошняя наша сустрэча!

Галоўнае правільна вызначыць маршрутКаманда ААТ "Глыбоцкі малочнакансервавы камбінат""Не спыняцца і не здавацца" - лозунг каманды раённага вузла пачтовай сувязі

Паважаныя наведвальнікі нашага сайта, у вас ёсць унікальная магчымасць прыняць удзел у вішнёвым квэсце і самастойна знайсці адказы на складаныя пытанні. Адказы будуць размешчаны на сайце роўна праз месяц (30.08.2019 года).

Удзельнікі канферэнцыіУ чарговы раз у дні «Вішнёвы фестывалю» у нашым горадзе была арганізавана і праведзена навукова-практычная канферэнцыя па садоўніцтву. У ёй прынялі ўдзел як глыбачане, так і госці горада. Вядучыя спецыялісты нашай краіны ў галіне раслінаводства, супрацоўнікі Інстытута пладаводства Кастрыцкая Манана Сяргееўна, Кандрацёнак Юлія Георгіеўна і Палубятка Ілля Генадзевіч, пазнаёмілі глыбачан з сартавымі навінкамі беларускай селекцыі, сакрэтамі вырошчвання пладовых дрэў і кустоў на прысядзібных участках, спосабамі эфектыўнай барацьбы з хваробамі і шкоднікамі нашых садоў.

Пачатак працы канферэнцыіПрактычнымі рэкамендацыямі па вырошчванні экалагічнай сельгаспрадукцыі падзяліўся глыбачанін Сенькавец Васіль Нікандравіч, фермер сялянска-фермерскай гаспадаркі.

Па матэрыялах кнігі Л. Ракавай «Гісторыя на градках: агародніцтва на Беларусі», экскурс у гісторыю садоўніцтва і агародніцтва нашай краіны падрыхтавала бібліятэкар Карандей Таццяна Уладзіміраўна.

Выстава-дэгустацыя сучасных сартоў вішніВішнёвы фестываль праляціць, як адно імгненне. Пяць дзён горад жыве ў атмасферы свята, народных гулянняў, конкурсаў і віктарын. Наш горад у гэтыя дні наведаюць тысячы гасцей і кожны возьме на памяць аб Вішнёвай сталіцы, акрамя незабыўных уражанняў і эмоцый, памятныя сувеніры. З сімвалам нашага фестывалю - Вішнёвікам пазнаёміла ўсіх удзельнікаў канферэнцыі дырэктар базы адпачынку «Чачалі» Чэбан Людміла Сцяпанаўна.

Асаблівай папулярнасцю ва ўсіх удзельнікаў канферэнцыі карысталася, стаўшая ўжо традыцыйнай, выстава-дэгустацыя пладоў сучасных гатункаў вішні. На выставе, якую падрыхтавалі нашы даўнія сябры з Інстытута пладаводства, можна было не толькі ўбачыць разнастайнасць гатункаў, але і ацаніць смакавыя якасці ягад.

«Яны запрасілі ведзьмака, які налажыў заклён». Пабываць на астравах, у пячоры і Версалі можна і ў Беларусі...

 

 

Зусім нядаўна на канале «Беларусь 24» выйшла чарговая тэлеперадача "Гарады Беларусі", якая запрашае ў займальнае падарожжа па Глыбокім. Каманда перадачы зрабіла ўсё, каб маляўніча і ярка распавесці пра наш горад, стварыўшы выдатны даведнік нават для спрактыкаванага турыста. Прапануем і вам здзейсніць вандроўку па старадаўнім беларускім мястэчку:

25 ліпеня 2019 года адбудзецца квэст “Таямніца вішнёвай квецені”. Запрашаем прыняць удзел у гэтым захапляльным падарожжы па вішнёвай сталіцы Беларусі. Збяры сваю каманду, прайдзі працэдуру рэгістрацыі і удзельнічай!

У квэсце можа ўдзельнічаць каманда працоўнай моладзі (у камандзе павінна быць 5 чалавек) або каманда вучнёўскай моладзі (абавязковая ўмова - 4 навучэнцы і 1 педагог). Заяўку ад каманды трэба падаць да 17 ліпеня 2019 года ў аддзел ідэалагічнай работы, культуры і па справах моладзі Глыбоцкага райвыканкама (тэлефон 21255, эл. пошта: Гэты адрас электроннай пошты абаронены ад спам-ботаў. У вас павінен быць уключаны JavaScript для прагляду.). Пасля рэгістрацыі каманда стварае ў адным тэлефоне Viber групу з назвай каманды (напрыклад, «Вішанька») і дабаўляе ў групу тэлефон арганізатараў квэста: +375298132373.

24 ліпеня арганізатары праз Viber звязваюцца з камандай і прысвойваюць ёй парадкавы нумар, каманда пераназывае сваю групу ў атрыманы парадкавы нумар.

25 ліпеня каманды на старце атрымліваюць канверты з заданнямі і адпраўляюцца на пошук гістарычных і культурных аб'ектаў нашага горада.