Музей вёскі Шоці

Супрацоўнікі музея нядаўна пабывалі ў творчай камандзіроўцы. Даведаўшыся пра тое, што ў вёсцы Шоці намаганнямі...

Візіт пасольства Італьянскай Рэспублікі ў Глыбоцкі раён

Штогод 4 лістапада грамадзяне Італіі адзначаюць Дзень нацыянальнага адзінства і Узброеных Сіл – свята, прысвечанае...

Незвычайная знаходка

Стала ўжо добрай традыцыяй, калі знойдзеныя на гарышчах старых дамоў ці на прасторах інтэрнэт-аўкцыёнаў прадметы...

«Дарога памяці»

У верасні 2019 года на тэрыторыі Глыбоцкага раёна праходзіла акцыя памяці «Во славу общей Победы», прысвечаная 75-годдзю...

Пытанні IV тура квіз-марафона “Пра тую зямлю, дзе нарадзіўся ты”

Падыходзіць да фінішу гістарычны квіз-марафон “Пра тую зямлю, дзе нарадзіўся ты”, які на працягу апошніх месяцаў...

Навукова-практычная канферэнцыя "Беларусь, Глыбоцкі край і Эдвард Вайніловіч»

Навукова-практычная канферэнцыя "Беларусь, Глыбоцкі край і Эдвард Вайніловіч» прайшла ў Глыбокім 25 верасня 2020 года....

Адкуль карані Аляксандра Грына?

Знайсці адказ на гэта пытанне паспрабавалі ўдзельнікі велапрабега «Пунсовыя ветразі», прысвечанага 140-годдзю з дня...

Падарунак глыбачанам ад прадстаўнікоў роду КорсакаўКожны год на “Вішнёвы фестываль” прыязджаюць госці з розных куткоў нашай краіны, а таксама госці з далёкага і блізкага замежжа. Асабліва людна ў гэтыя дні ў музеі. Нават тыя, хто ўжо раней знаёміўся з экспазіцыяй музея, зноў прыходзяць да нас, і шмат хто не з пустымі рукамі. Гэты фестываль не стаў выключэннем.

Медаль Амерыканскага біяграфічнага інстытута, уручаная Барысу Кіту пасля занясення яго імя ў залу славыНаш даўні сябар, член-карэспандэнт Нацыянальнай акадэміі навук Беларусі, доктар біялагічных навук, прафесар Майсяёнак Андрэй Георгіевіч перадаў музею некаторыя ўнікальныя прадметы з архіва вядомага навукоўца ў галіне астранаўтыкі, заслужанага прафесара Мэрылендскага ўніверсітэта (ЗША), старэйшага члена Амерыканскага таварыства астранаўтыкі, ганаровага члена Брытанскага міжпланетнага грамадства, члена камітэта міжнароднай Акадэміі астранаўтыкі (Парыж) Барыса Кіта. Асабістыя рэчы вучонага былі перададзеныя нашаму музею не выпадкова - Барыс Кіт называў горад Глыбокае сваёй другой радзімай. Справа ў тым, што ў гады нямецкай акупацыі Барыс Кіт працаваў настаўнікам матэматыкі ў Паставах. Па падазрэнні ў сувязях з партызанамі ён быў арыштаваны гестапа і адпраўлены ў Глыбоцкую турму, дзе кожны дзень чакаў расстрэлу. Дзень вызвалення з турмы ён потым называў днём свайго другога нараджэння.

Кніга А.Майсяёнка "55 год у нутрыцыялогіі"Прэзентаваў Андрэй Майсяёнак нашаму музею і сваю кнігу «55 гадоў у нутрыцыялогіі». Гэта праца была падрыхтаваны нашым земляком-навукоўцам да свайго 75-годдзя. Кніга з дароўным надпісам зойме ганаровае месца сярод экспанатаў нашага музея.

Кніга Тадэуша Даленга-Мастовіча "Прафесар Вільчур" (1939 г)Унікальны падарунак паднеслі жыхарам Глыбокага ў дні фестывалю нашы даўнія госці з Польшчы, прадстаўнікі знакамітай сям'і Корсакаў. Яны перадалі музею рарытэтнае выданне, кнігу нашага земляка Тадэвуша Даленга-Мастовіча «Прафесар Вільчур». Гэты твор з'яўляецца працягам папулярнага ў той час у Польшчы рамана «Знахар». Прыжыццёвае выданне, якое з'яўлялася ўласнасцю адной з бібліятэк Львова, сёння прывезена на радзіму пісьменніка і перададзена ў экспазіцыю нашага музея.

Ад імя ўсіх глыбачан мы дзякуем нашых сяброў за падарункі, якія папоўнілі фонды музея. Спадзяёмся на далейшае супрацоўніцтва!

 

Капітаны каманд на галоўнай сцэне городу

У чарговы раз для глыбачан, якія цікавяцца гісторыяй і любяць актыўны адпачынак, супрацоўнікамі музея быў праведзены гарадскі квэст. Адбыўся ён у рамках VII Вішнёвага фестывалю, таму і назву атрымаў адпаведную – “Таямніцы вішнёвай квецені”. Нягледзячы на тое, што за пару гадзін да старту над горадам “разверзліся хлябі нябесныя” і моцны лівень з громам і маланкай пагражалі сарваць гульню, бліжэй да яе пачатку непагадзь уляглася, і на старт выйшлі 15 каманд-удзельніц.

А гульня пачынаецца з усмешкі...Каманда РУП "Белтэлекам" на старцеНа працягу ўсяго мерапрыемства супрацоўнікі музея – “вядучыя” квэсту – падтрымлівалі з усімі яго ўдзельнікамі пастаянны нябачны кантакт. У наш час такую магчымасць прадстаўляюць спецыяльныя праграмы для смартфонаў, якія даўно сталі часткай нашага паўсядзённага жыцця. Адна з такіх праграм, усталяваная на тэлефонах удзельнікаў і вядучых, і стала сувязным звяном усяго квэсту.

Сутнасць гульні была даволі простая: на старце каманды-ўдзельніцы атрымалі канверты з дзевяццю аднолькавымі пытаннямі, у якіх былі зашыфраваны дзевяць выдатных мясцін Глыбокага. Пры гэтым каманда не была абмежавана ў чарговасці праходжання заданняў, кожная група была вольная сама выбіраць на якое пытанне яна будзе шукаць адказ у першую чаргу, а на якое – у апошнюю. Такім чынам, удзельнікі самастойна фармавалі маршрут праходжання квэсту.

Першае абмеркаванне каманды-пераможцы квэстуДабраўшыся да схаванага ў пытанні аб’екта, члены каманды павінны былі сфатаграфавацца на яго фоне і тут жа адправіць гэта фота з нумарам адказу вядучым квэсту. Атрымаўшы фота, вядучыя паведамлялі пра тое, правільна ці няправільна яны выканалі заданне. За правільныя адказы камандзе высылалася адно з дзевяці слоў, з якіх у выніку неабходна было скласці выслоў’е класіка беларускай літаратуры Якуба Коласа, якое стала своеасаблівым сімвалам усяго квэсту: “Добра быць у дарозе, якую ты сам сабе выбіраеш”.

 Каманда "вішнёвая казка" у адным са знойдзеных аб'ектаўПры вызначэнні трох прызавых месцаў журы зыходзіла з правільнасці знойдзенага аб’екта, хуткасці праходжання і дакладнасці перадачы сэнсу складзенага выразу.

“Бронзавым” прызёрам гульні стала каманда Глыбоцкага малочнакансервавага камбіната, другое месца занялі прадстаўнікі Глыбоцкага раённага аддзела па надзвычайных сітуацыях, а перамога дасталася камандзе Глыбоцкага дзяржпрафліцэя.

Шчыра дзякуем ўдзельнікам квэсту за іх упартасць, вытрымку і мэтанакіраванасць. Мы упэўнены, што гэта не апошняя наша сустрэча!

Галоўнае правільна вызначыць маршрутКаманда ААТ "Глыбоцкі малочнакансервавы камбінат""Не спыняцца і не здавацца" - лозунг каманды раённага вузла пачтовай сувязі

Удзельнікі канферэнцыіУ чарговы раз у дні «Вішнёвы фестывалю» у нашым горадзе была арганізавана і праведзена навукова-практычная канферэнцыя па садоўніцтву. У ёй прынялі ўдзел як глыбачане, так і госці горада. Вядучыя спецыялісты нашай краіны ў галіне раслінаводства, супрацоўнікі Інстытута пладаводства Кастрыцкая Манана Сяргееўна, Кандрацёнак Юлія Георгіеўна і Палубятка Ілля Генадзевіч, пазнаёмілі глыбачан з сартавымі навінкамі беларускай селекцыі, сакрэтамі вырошчвання пладовых дрэў і кустоў на прысядзібных участках, спосабамі эфектыўнай барацьбы з хваробамі і шкоднікамі нашых садоў.

Пачатак працы канферэнцыіПрактычнымі рэкамендацыямі па вырошчванні экалагічнай сельгаспрадукцыі падзяліўся глыбачанін Сенькавец Васіль Нікандравіч, фермер сялянска-фермерскай гаспадаркі.

Па матэрыялах кнігі Л. Ракавай «Гісторыя на градках: агародніцтва на Беларусі», экскурс у гісторыю садоўніцтва і агародніцтва нашай краіны падрыхтавала бібліятэкар Карандей Таццяна Уладзіміраўна.

Выстава-дэгустацыя сучасных сартоў вішніВішнёвы фестываль праляціць, як адно імгненне. Пяць дзён горад жыве ў атмасферы свята, народных гулянняў, конкурсаў і віктарын. Наш горад у гэтыя дні наведаюць тысячы гасцей і кожны возьме на памяць аб Вішнёвай сталіцы, акрамя незабыўных уражанняў і эмоцый, памятныя сувеніры. З сімвалам нашага фестывалю - Вішнёвікам пазнаёміла ўсіх удзельнікаў канферэнцыі дырэктар базы адпачынку «Чачалі» Чэбан Людміла Сцяпанаўна.

Асаблівай папулярнасцю ва ўсіх удзельнікаў канферэнцыі карысталася, стаўшая ўжо традыцыйнай, выстава-дэгустацыя пладоў сучасных гатункаў вішні. На выставе, якую падрыхтавалі нашы даўнія сябры з Інстытута пладаводства, можна было не толькі ўбачыць разнастайнасць гатункаў, але і ацаніць смакавыя якасці ягад.

Удзельнікі форуму ў рабоце інтэрактыўнай пошукава-даследчай пляцоўкі 1-3 ліпеня 2019 года ў нашым горадзе праходзіў моладзевы патрыятычны форум «Я памятаю! Я ганаруся!», прысвечаны 75-гадавіне вызвалення Рэспублікі Беларусь ад нямецка-фашысцкіх захопнікаў і Перамогі савецкага народа ў Вялікай Айчыннай вайне. У форуме прынялі ўдзел дэлегацыі з гарадоў Кастамукша і Петразаводск (Рэспубліка Карэлія), студэнты Маскоўскага педагагічнага універсітэта, а таксама моладзь Глыбоцкага раёна.
Знаёмства з даследчай работай музеяДля удзельнікаў форуму супрацоўнікамі музея была праведзена экскурсія па залах музея і цікавых месцах нашага горада, а таксама арганізавана работа інтэрактыўнай пошукава-даследчай пляцоўкі «Праз стагоддзі, праз гады - памятайце». У працы інтэрактыўнай пошукава-даследчай пляцоўкі прынялі ўдзел: настаўнік сярэдняй школы № 1 Наталля Рабіза, бібліятэкар аддзела бібліятэчнага маркетынгу Марына Ізаітка, галоўны захавальнік фондаў музея Вольга Бахір. Удзельнікі інтэрактыўнай пляцоўкі даведаліся аб правядзенні навукова-даследчай і пошукавай працы ў розных установах нашага горада і раёна. Адбыўся абмен думкамі і канструктыўны дыялог.

На старце!29-30 чэрвеня 2019 года адбыўся велапрабег, прысвечаны 75-годдзю вызвалення Беларусі ад нямецка-фашысцкіх захопнікаў. Маршрут велапрабегу быў пракладзены па тых населеных пунктах Глыбоччыны, якія ў чэрвені-ліпені 1944 года з баямі праходзілі воіны-вызваліцелі, дзе ў гады вайны змагаліся з ворагам партызанскія атрады. Удзельнікі велапрабегу за два дні пераадолелі адлегласць звыш сотні кіламетраў.

15 лепшых прадстаўнікоў веламоладзі Глыбоччыны сабраліся раніцай 29 чэрвеня каля брацкай магілы савецкіх воінаў і партызан у парку Перамогі, каб пераадолець той шлях, які прайшлі савецкія войскі па Глыбоцкай зямлі летам 1944 года. Склалася так, што старт велапрабегу прыйшоўся на той дзень, у які роўна 75 гадоў таму назад першыя рэгулярныя часткі Чырвонай арміі ўступілі на тэрыторыю цяперашняга Глыбоцкага раёна. Менавіта 29 чэрвеня 1944 года былі вызваленыя першыя нашы вёскі: Ліпава - Вострава - Соша. Таму, вёска Ліпава і стала найбольш аддаленым пунктам маршруту. Пераадольваючы гэту немалую адлегласць, удзельнікі здзяйснялі невялікія прыпынкі ля помнікаў і абеліскаў, слухаючы расказ пра падзеі Вялікай Айчыннай вайны на Глыбоччыне.Ля магілы невядомага салдата Магіла італьянскіх ваеннапалонных, расстраляных фашыстамі ля вёскі Арэхаўна, магіла невядомага салдата пры дарозе Полацк - Глыбокае, помнік землякам у вёсцы Кішы, абеліск на месцы дыслакацыі ў гады вайны партызанскай брыгады імя Суворава, Курган Славы, абеліск на месцы базіравання ў гады вайны штаба партызанскай брыгады імя Суворава, партызанскі аэрадром - гэта толькі частка тых месцаў, якія наведалі велападарожнікі. Прычым, удзельнікі прабегу не толькі слухалі падрыхтаваны расказ экскурсавода, але і вялі самастойную даследчую працу на аб'ектах: адшукалі траншэі ўмацаванняў партызанскай лініі абароны, знайшлі ў лесе партызанскі аэрадром, абследавалі скляпенні былой польскай стражніцы «Каменны Воз».

У пачатку доўгага шляхуЛя брацкай магілы савецкіх воінаў у г.п.ПадсвіллеПрывал на беразе Шошы

"Свечка Памяці" у ГлыбокімУскладанне кветак да брацкай магілы ў Парку ПерамогіМітынг-рэквіем "Свечка Памяці" адбыўся 22 чэрвеня 2019 года ў нашым горадзе. Ля месца жалобнай цырымоніі ў Парку Перамогі сабраліся прадстаўнікі раённых прадпрыемстваў і арганізацый, моладзь Глыбоччыны і вучні гарадскіх школ. Сюды прыйшлі ўсе - для каго дзень 22 чэрвеня стаў днём смутку і памяці. Жывыя кветкі на плітах брацкай магілы і мігатлівыя агеньчыкі запаленых лампад - гэта даніна памяці загінуўшым у той страшнай вайне.
Супрацоўнікі нашага музея таксама прынялі ўдзел у мітынгу, падрыхтаваўшы расказ пра трагічныя старонкі ваенных гадоў Глыбоцкага раёна.

Веласіпед на службе ў салдата29-30 чэрвеня 1944 года савецкія войскі, развіваючы наступленне, уступілі ў першыя баі з фашыстамі па вызваленні тэрыторыі цяперашняга Глыбоцкага раёна. Значнае садзейнічанне рэгулярным часткам аказвалі партызанскія атрады, што дзейнічалі на акупіраванай тэрыторыі яшчэ з восені 1942 года. Падрабязна пачытаць пра баявыя дзеянні летам 1944 года на Глыбоччыне можна тут.

Схема маршрута "Дарогамі партызанскай славы"29-30 чэрвеня 2019 года адбудзецца велапрабег, прысвечаны 75-годдзю вызвалення Беларусі ад нямецка-фашысцкіх захопнікаў. Маршрут велапрабегу пройдзе па тых гістарычных мясцінах, дзе падчас вайны дыслацыраваліся партызанскія атрады, дзе ў баях з ворагам партызаны дэманстравалі прыклады мужнасці і гераізму. Удзельнікам велапрабегу трэба будзе за два дні пераадолець адлегласць звыш 100 кіламетраў. Іх шлях пройдзе па тых населеных пунктах Глыбоччыны, якія ў чэрвені 1944 года з баямі праходзілі воіны-вызваліцелі.

Запрашаем усіх жадаючых прыняць удзел у пазнавальным велападарожжы і непасрэдна дакрануцца да падзей 75-гадовай даўніны.

Па пытаннях удзелу звяртайцеся ў аддзел ідэалагічнай работы, культуры і па справах моладзі Глыбоцкага райвыканкама па тэлефоне 21255 (Працук Таццяна Віктараўна).

Фота на памяцьВостры позірк і верная рука...16 чэрвеня на цэнтральнай плошчы горада прайшоў форум “Тата! Твой выхад!”, прысвечаны Міжнароднаму дню бацькі. Наш музей прыняў актыўны ўдзел у гэтым мерапрыемстве. Супрацоўнікі арганізавалі і правялі этнаграфічную гульнятэку “Разам з татам у музей”, на якой маленькія жыхары нашага горада са сваімі бацькамі змаглі ўбачыць старажытныя цікавыя рэчы і, галоўнае, пагуляць у старадаўнія гульні. Гульні, у якія гулялі нашы бабулі і дзядулі, патрабавалі ад дзяцей і іх бацькоў не толькі актыўных дзеянняў, але і ўважлівасці. Узнагародай для ўсіх, хто спрабаваў свае сілы ў музейнай гульнятэцы, стаў не толькі вясёлы настрой, а і цікавыя звесткі пра жыццё нашых продкаў.

Спрыт рук...Госць на парозе, а ў хаце не прыбрана...Папрацавалі - можна і пагуляць...

"Полымя міру" у МосарыЭстафета агню галоўнай спартыўнай падзеі года працягвае ўрачыстае шэсце па Беларусі. 27 мая "Полымя міру" сустракалі ў нашым раёне. У маршруце адразу некалькі знакавых месцаў, якія адлюстроўваюць гістарычную і культурную спадчыну рэгіёну. Першым населеным пунктам на тэрыторыі раёна, куды агонь Другіх Еўрапейскіх гульняў даставілі факеланосцы стала вёска Мосар - унікальны турыстычны комплекс з дэндралагічных паркам і знакамітым касцёлам Святой Ганны. Удзельнікаў эстафеты агню "Полымя міру" гасцінна сустракаў народны тэатр фальклору "Цярэшка".Удзельнікаў эстафеты вітае "Цярэшка" На адкрытай пляцоўцы раскінулася выстава-кірмаш сувеніраў, зробленых рукамі народных умельцаў Глыбоцкага дома рамёстваў. Факел з «Полымем міру» пранесла па самых маляўнічых месцах культурна-дэндралагічнага комплексу народны майстар Беларусі Святлана Скавырка, якая валодае вытанчаным мастацтвам роспісу дываноў.Факел з агнём Другіх Еўрапейскіх гульняў у руках Святланы Скавырка Некалькі гадоў таму маляваныя дываны атрымалі статус нематэрыяльнай культурнай спадчыны нашай краіны. Свята працягнулі канцэртная праграма «Народныя матывы», этна-дыскатэка «Карагод сяброўства» і свабоднае наведванне этнаграфічнага музея, заснаванага ў свой час вядомым ксяндзом Юозасам Булькам.
З Мосара «Полымя міру» адправілася ў раённы цэнтр, дзе яго пранеслі па цэхах Глыбоцкага малочна-кансервавага камбіната. Затым удзельнікі эстафеты накіраваліся ў дэндралагічны сад, які з'яўляецца помнікам прыроды рэспубліканскага значэння, другім па велічыні і відавай разнастайнасці дэндрарый Беларусі пасля мінскага Батанічнага саду.

 

На музейнай пляцоўцы. Адкрыццё свята«Ноч музеяў - 2019» прайшла пад лозунгам «Усе ўзросты і пакаленні - у музей!». Усіх, хто прыйшоў да нас у гэты вечар чакалі прыгоды і забавы на любы густ. Удзел у падрыхтаваных намі мерапрыемствах дазволіў гасцям свята правесці час з карысцю для розуму, і ў той жа час адпачыць і развеяцца.

Медыя-азбука "Году малой радзімы прысвячаецца..."Пачалося свята з музейнай гасцёўні «Са святам, музей!», дзе наведвальнікаў чакаў рэтра-канцэрт, выступленні юных музыкантаў, сустрэча з цікавым чалавекам і многае іншае. Затым нашы госці бліснулі сваімі ведамі аб славутасцях, вядомых асобах і гістарычных асаблівасцях нашага рэгіёну з дапамогай медыя-азбукі «Году малой радзімы прысвячаецца...». У гэтай гульні правільныя адказы на складаныя пытанні сталі сапраўднай «асалодай» - за правільны адказ удзельнікі атрымлівалі салодкі прыз.

Майстар-клас ад майстра Дома рамёстваўЮныя ўдзельнікі конкурсу«Фішкай» нашай музейнай ночы стаў фінал раённага конкурсу касплей-кіно «Сinéma па-глыбоцку». Удзельнікі гэтага конкурсу паказалі сябе сапраўднымі акцёрамі, рэжысёрамі і аператарамі, ну а гледачы змаглі ў поўнай меры атрымаць асалоду ад іх талента.Пасля падвядзення вынікаў конкурсу, пераможцам былі ўручаны прызы і памятныя падарункі. Першае месца ў конкурсе з відэаролікам «Аперацыя «Ы» і іншыя прыгоды Шурыка (рэмейк)» занялі навучэнцы ДУА "Сярэдняя школа №2 г. Глыбокае", другое - навучэнцы ДУА "Сярэдняя школа №3 г. Глыбокае", трэцяе - каманда Цэнтра традыцыйнай культуры і народнай творчасці. Прыз глядацкіх сімпатый дастаўся камандзе Глыбоцкага малочнакансервавага камбіната. Прапануем і вам пазнаёміцца з конкурснымі працамі.

"Мафія ў Глыбокім"Упершыню ў рамках музейнага свята з велізарным поспехам прайшла псіхалагічная ролевая гульня «Мафія ў Глыбокім». Кульмінацыяй свята стаў гістарычны кінатэатр, які разгарнуўся ў музейным дворыку. Гледачы не толькі паглядзелі двухсерыйную мастацкую стужку польскага рэжысёра Ежы Гофмана «Знахар», але і даведаліся шмат цікавага пра аўтара твора, нашага земляка Тадэвуша Даленга-Мастовіча.

Выстава рарытэтнай тэхнікіСапраўдным упрыгожаннем свята стала выстава рарытэтнай мотатэхнікі, якую, з вялікай цікавасцю, разглядалі як тыя, каму ў свой час давялося быць уладальнікам папулярнага савецкага транспарту, так і тыя, для каго гэта проста старажытны прадмет з мінулага.

 

 

Выступленне ўдзельнікаў гуртка "ДушаГрэйка"Флэш-моб "Пара ў музей"Узнагароджанне пераможцаў конкурсу "Cinema па-глыбоцку"Музычнае прывітанне гасцей святаСалодкі прыз за веданне гісторыіЮны байкерПрысвячэнне музею