Запрашаем да удзелу!

25 ліпеня 2019 года адбудзецца квэст “Таямніца вішнёвай квецені”. Запрашаем прыняць удзел у гэтым захапляльным падарожжы...

Моладзевы патрыятычны форум «Я памятаю! Я ганаруся!»

1-3 ліпеня 2019 года ў нашым горадзе праходзіў моладзевы патрыятычны форум «Я памятаю! Я ганаруся!», прысвечаны 75-гадавіне...

Адбыўся велапрабег "Дарогамі партызанскай славы"

29-30 чэрвеня 2019 года адбыўся велапрабег, прысвечаны 75-годдзю вызвалення Беларусі ад нямецка-фашысцкіх захопнікаў....

Мітынг-рэквіем "Свечка Памяці"

Мітынг-рэквіем "Свечка Памяці" адбыўся 22 чэрвеня 2019 года ў нашым горадзе. Ля месца жалобнай цырымоніі ў Парку Перамогі...

“Тата! Твой выхад!”

16 чэрвеня на цэнтральнай плошчы горада прайшоў форум “Тата! Твой выхад!”, прысвечаны Міжнароднаму дню бацькі. Наш музей...

Велапрабег "Дарогамі партызанскай славы»

29-30 чэрвеня 1944 года савецкія войскі, развіваючы наступленне, уступілі ў першыя баі з фашыстамі па вызваленні тэрыторыі...

Эстафета "Пламя міру" у Глыбоцкім раёне

Эстафета агню галоўнай спартыўнай падзеі года працягвае ўрачыстае шэсце па Беларусі. 27 мая "Полымя міру" сустракалі ў...

Падняты з зямлі скарб манет5 кастрычніка 2017 года ў Глыбокім знойдзены скарб. Чыгунок з манетамі падняў коўш экскаватара падчас земляных работ у цэнтры горада. У знаходцы было 299 сярэбраных і нікелевых манет. Гэты гаршчок з манетамі праляжаў у зямлі каля 80 гадоў. У асноўным гэта польскія грошы, якія былі адчаканены ў першай палове мінулага стагоддзя. Некалькі срэбных манет часоў Расійскай імперыі наміналам пяцьдзясят капеек і адзін рубель. Самая старая манета скарбу датуецца 1817 годам. Гэта сярэбраная манета ў 5 злотых Царства Польскага, якое знаходзілася ў гэты перыяд у складзе Расійскай імперыі (час кіравання Аляксандра І). У чыгунку былі і дзве манеты ЗША. Ніякіх здагадак аб тым, хто схаваў скарб у цэнтры горада, ні ў самім чыгуне, ні побач з ім не знойдзена. На наступны дзень у катлаване была знойдзена недастатковая для круглага ліку 300-я манета. Лёс скарбу ўжо прадвызначаны - манеты папоўняць фонды нашага музея. Убачыць знойдзены скарб ўсе жадаючыя могуць у адной з залаў музея. Ён выстаўлены для ўсеагульнага агляду.

Месца знаходкі скарбуГлыбоцкі скарб у экспазіцыі музея300 манет з чыгунка

 

Перад стартамЛя брацкай магілы аг. ПадсвіллеУ рамках рэалізацыі мясцовай ініцыятывы «Стварэнне віртуальных падарожжаў па гісторыка-культурнай спадчыне рэгіёну» быў арганізаваны і праведзены моладзевы велапрабег па гістарычных мясцінах нашай Глыбоччыны. У ім прынялі ўдзел тыя, хто цікавіцца гісторыяй, традыцыямі і культурным жыццём свайго рэгіёну. За два дні ўдзельнікі велапрабегу пераадолелі дыстанцыю каля 100 км і наведалі больш за 20 гісторыка-культурных аб'ектаў Глыбоцкага раёна. Гарадзішча жалезнага веку і курганныя пахаванні крывічоў, культавыя камяні і каменныя крыжы, існуючыя і знікшыя хрысціянскія храмы, сядзібна-паркавы комплекс і месца пахавання воінаў вызваліцеляў - вось пералік тых аб'ектаў, дзе пабывалі ўдзельнікі мерапрыемства. Самаму юнаму ўдзельніку велапрабегу споўнілася ўсяго 14 гадоў, а ён на роўным з дарослымі пераадольваў гэты няпросты маршрут. У выніку гэтага падарожжа ўсё атрымалі велізарны зарад бадзёрасці і ведаў, і галоўнае - дыпломы і каштоўныя падарункі.

Глыбоцкая вішняЗ 18 па 22 ліпеня 2017 года ў нашым горадзе праходзіў юбілейны «Вішнёвы фестываль». У гэтым годзе ён набыў статус міжнароднага. Музей прыняў актыўны ўдзел у шматлікіх мерапрыемствах фестывалю. Намі была арганізавана і праведзена навукова-практычная канферэнцыя па садоўніцтве, у якой прынялі ўдзел вядучыя спецыялісты нашай краіны па пытаннях пладаводства. Яны пазнаёмілі з сартавымі навінкамі беларускай селекцыі і іх вырошчваннем на прысядзібных участках.

 

Фрагмент мерапрыемства22 чэрвеня ў Беларусі адзначаецца сумная дата - Дзень усенароднай памяці ахвяр Вялікай Айчыннай вайны. У 2016 годзе споўнілася 75 гадоў з дня пачатку Вялікай Айчыннай вайны 1941-1945 гадоў. Гэтая трагічная дата назаўжды застанецца ў памяці нашых грамадзян. Вайна забрала больш за 27 мільёнаў жыццяў савецкіх грамадзян. У гэты дзень у нашым горадзе прайшла акцыя "Свечка памяці", у якой прынялі ўдзел і супрацоўнікі музея. У цэнтры традыцыйнай культуры і народнай творчасці намі было праведзена мерапрыемства, прымеркаванае да гэтага памятнага дня. Запрошаныя на сустрэчу пачулі расказ пра ваенныя падзеі на Глыбоччыне і паглядзелі створаны музейшчыкамі відэафільм «Мы памятаем ...»
У дзень памяці мы яшчэ раз успомнілі трагічныя старонкі гісторыі нашага горада, акунуліся ў атмасферу ваенных гадоў.

Момант мерапрыемства6 снежня 2016 года ў нашым горадзе прайшлі II Рэгіянальныя калядныя чытанні. Мерапрыемства было арганізавана і сумесна праведзена кіраўніцтвам Полацкай епархіі, Глыбоцкім раённым выканаўчым камітэтам і Глыбоцкім раённым Саветам дэпутатаў. У ходзе мерапрыемства абмяркоўваліся многія надзённыя пытанні, якія тычацца ролі Праваслаўя ў гісторыі і сучасным развіцці нашай краіны.
Разгляд тэм, што выносіліся на парадак дня рэгіянальных Калядных чытанняў, праходзіла на пасяджэннях пяці тэматычных секцый. У працы секцыі "Гісторыка-культурная спадчына Праваслаўя як крыніца духоўнага і грамадскага развіцця Беларусі», прынялі ўдзел і супрацоўнікі музея. Праца секцыі праходзіла ў саборы Нараджэння Найсвяцейшай Багародзіцы, а ўзначаліў яе архіепіскап Полацкі і Глыбоцкі Феадосій. Намі было падрыхтавана выступленне на тэму: «Праваслаўныя храмы Глыбоччыны - гісторыка-культурная спадчына рэгіёну». Удзельнікі мерапрыемства з вялікай цікавасцю азнаёміліся з сабраным музейшчыкамі матэрыялам і ўнеслі прапанову аб неабходнасці цеснага супрацоўніцтва музея і праваслаўнай царквы ў пытаннях пошуку страчаных хрысціянскіх святыняй.
Наведвальнікам нашага сайта мы прапануем азнаёміцца з гэтым матэрыялам.

У Міжнародны дзень музеяў была арганізавана і праведзена акцыя «Ноч музеяў - 2016». У гэтым годзе тэматыка акцыі была вызначана як «Гульнявая ноч у музеі». Для ўсіх жадаючых былі падрыхтаваныя гульнявыя пляцоўкі, дзе з дапамогай музейнага прадмета і сучасных гульнявых тэхналогій любы мог акунуцца ў свет дзяцінства. 

10 мая 2015 года музеем была арганізавана і праведзена канферэнцыя маладых гісторыкаў, прысвечаная 70-годдзю Вялікай Перамогі. У ёй прынялі ўдзел настаўнікі школ горада і раёна, студэнты вышэйшых навучальных устаноў. У сваіх выступленнях маладыя гісторыкі пазнаёмілі ўдзельнікаў канферэнцыі з малавядомымі старонкамі ваеннай гісторыі і славутымі людзьмі Глыбоцкага раёна. Трынаццаць выступленняў, і за кожным крапатлівая праца юных даследчыкаў гістарычнага мінулага роднага краю.

Выступленне маладых гісторыкаўЮныя ўдзельнікі канферэнцыіУзнагароджанне

Фрагмент выставына выставе30 студзеня 2015 года ў гарадскім Доме культуры адбылася ўрачыстасць, прысвечаная 75-годдзю ўтварэння Глыбоцкага раёна. Госці мерапрыемства змаглі пазнаёміцца з выставай “Глыбоцкаму раёну - 75 год”, якая працавала на свяце. Прадстаўленыя на ёй экспанаты акунулі наведвальнікаў у атмасферу савецкай эпохі, эпохі станаўлення і развіцця адміністрацыйна-тэрытарыяльнай адзінкі – Глыбоцкі раён.

Унікальны экспанат з’явіўся ў музеі на пачатку 2015 года. Паштоўку, якая была адпраўлена з Глыбокага ў Мінск сто год таму назад,  перадаў на пастаяннае захоўванне выкладчык дзіцячай мастацкай школы імя Язэпа Драздовіча Юрый Калбасіч. Сапраўдны рарытэт быў набыты на вядомым аўкцыёне ay.by тымі, хто неабыякава ставіцца да нашай гісторыі. Супрацоўнікі музея выказваюць шчырую падзяку ўсім, хто ахвяраваў сродкі на такую важную справу. Унікальнасць  дадзенага прадмета ў тым, што паштоўка надрукавана ў Глыбоцкім выдавецтве Л.Я.Рома і змяшчае відарыс мястэчка Глыбокае пачатку ХХ ст.  Адзіны вядомы сёння калекцыянерам экземпляр Глыбоцкай паштовай карткі “Царкоўная плошча” падае панараму мястэчка з баку возера. Хутка гэты экспанат зойме сваё месца ў экспазіцыі музея.

Паштовая картка "Царкоўная плошча" 1915 год.Адваротны бок паштоўкі.

З нагоды 75-годдзя ўтварэння Глыбоцкага раёна супрацоўнікамі музея арганізавана выстава, прысвечаная гэтай гістарычнай падзеі. На выставе прадстаўлены шматлікія фотадакументы, што даюць магчымасць зазірнуць у часы станаўлення і развіцця савецкай улады на Глыбоччыне і ацаніць тое, як  мянялася аблічча нашага горада і жыццё жыхароў раёна. Вялікай каштоўнасцю з’яўляюцца прадстаўленыя на выставе узнагароды (дыпломы, граматы, медалі), якімі ў розныя часы былі ўзнагароджаны за сваю ўдарную працу як асобныя жыхары Глыбоччыны, так і прадпрыемствы раёна.

Знаёмства са святочнай выставай “Глыбоцкаму раёну – 75 год”, якая будзе праходзіць з 15 па 30 студзеня – гэта выдатная магчымасць адкрыць для сябе невядомыя раней старонкі хоць і не надта далёкага, але ўжо назаўжды зышоўшага мінулага нашага раёна.

Святкаванне гадавіны Кастрычніцкай рэвалюцыі. 1982 г.Грамата Соф'і Юргель.1965 год.Панарама Глыбокага. 1960-я гг.