«Беларусь памятае»

З чарговай выставай пазнаёміліся глыбачане і госці нашага горада на раённым свяце "Квітней, Глыбоччына». На цэнтральнай...

Велапрабег #ровар.by «Культурна-дэндралагічны комплекс в. Мосар - беларускі Версаль»

Яшчэ не паспелі сціхнуць эмоцыі ад прайшоўшага ў горадзе квэста «Наперад у мінулае», як ужо на наступны дзень моладзь...

Гарадскі квэст “Наперад у мінулае”

Нядзельным днём 28 чэрвеня многiя глыбачане маглі бачыць незвычайную карціну: не звяртаючы ўвагу на спякоту і...

Пытанні ІІІ-га тура квіз-марафона “Пра тую зямлю, дзе нарадзіўся ты”

Паважаныя знаўцы гісторыі сваёй малой радзімы! ...

Акцыя "Свечка Памяці"

Акцыя "Свечка Памяці" прайшла ў нашым горадзе 22 чэрвеня 2020 года. У Парку Перамогі на жалобную цырымонію сабраліся ўсе,...

Прома-тур “Страчаны рай: жыццё і катастрофа беларускіх штэтлаў”

18 чэрвеня 2020 года для Глыбокага было адзначана даволі заўважнай падзеяй – горад сустракаў Надзвычайнага і...

Вынікі ІІ тура квіз-марафону “Пра тую зямлю, дзе нарадзіўся ты”

Надышоў час падвесці вынікі другога тура квіз-марафону “Пра тую зямлю, дзе нарадзіўся ты”. Варта адзначыць, што...

Жалобны мітынг у мемарыяльным комплексе «Барок» Жалобны мітынг у "Барку"8 лістапада 2018 года Глыбокае наведала дэлегацыя супрацоўнікаў амбасады Італьянскай Рэспублікі на чале з Надзвычайным і Паўнамоцным Паслом Італіі ў Беларусі Марыё Джорджа Стэфана Бальдо.
Госці горада прынялі ўдзел у жалобных мітынгах у мемарыяльным комплексе «Барок» і ля помніка італьянскім ваеннапалонным у вёсцы Арэхаўна, дзе ўшанавалі памяць загінуўшых у гады Другой Сусветнай вайны.
Пра Беразвецкі канцэнтрацыйны лагер удзельнікам мітынгу расказаў навуковы супрацоўнік музея Уладзімір Мірончык.

10 кастрычніка 2018 года ў Глыбоцкім раёне святкавалі 130-годдзе з дня нараджэння мастака, фалькларыста, пісьменніка, археолага Язэпа Драздовіча.
Пачаліся ўрачыстасці ў Глыбоцкім гісторыка-этнаграфічным музеі, дзе адбылося адкрыццё тэматычнай выставы “Космас Беларуса” (чытаць тут).
Ускладанне кветак на магілу мастакаДалей удзельнікаў мерапрыемстваў чакала знаёмства з маляванымі дыванамі – відам народнага мастацтва, што ў свой час стаў “візітнай карткай” мастака. На выставе “Дзіва-дзіўнае”, якую наладзілі работнікі Цэнтра традыцыйнай культуры і народнай творчасці, былі прадстаўлены маляваныя дываны сучасных мастакоў – прадаўжальнікаў слаўных традыцый дзядзькі Язэпа!
На магіле Язэпа ДраздовічаЗатым уся грамада накіравалася на малую радзіму Язэпа Нарцызавіча – у былы засценак Пунькі, дзе быў адкрыты памятны знак, прысвечаны знакамітаму мастаку (чытаць тут), пасля чаго на магілу Язэпа Драздовіча былі ўскладзены кветкі ад удзячных патомкаў.
Фінальным акордам свята стала канферэнцыя-вечарына, якая прайшла ў Падсвільскім доме культуры. Успамінамі аб знакамітым земляку падзяліўся з прысутнымі беларускі вучоны, краязнаўца Андрэй Майсяёнак, пра выкарыстанне мастацкіх прыёмаў дзядзькі Язэпа юнымі мастакамі расказала дырэктар Глыбоцкай дзіцячай мастацкай школы імя Язэпа Драздовіча Жана Пра Драздовіча - археолага расказвае навуковы супрацоўнік музеяБалабуева, з археалагічнымі даследаванні Глыбоччыны Язэпам Драздовічам пазнаёміў навуковы супрацоўнік музея Аляксандр Хайноўскі, пра падарожжы мастака па Залесскім краі расказаў настаўнік Рыгор Шарыпкін, а экскурсію па школьным музеі, у якім захоўваюцца многія арыгінальныя работы мастака правяла дырэктар Падсвільскай школы Людміла Сауліч. Удзельнікі самадзейнасці мясцовага тэатральнага гуртка інсцэніравалі лепшыя старонкі біяграфіі свайго славутага земляка.
Вось так удзячныя патомкі адзначылі свята свайго земляка.

Памятны знак на месцы нараджэння мастака10 кастрычніка 2018 года, напярэдадні 130-годдзя з дня нараджэння Язэпа Драздовіча, быў адкрыты памятны знак. Усталяваны ён на месцы нараджэння нашага славутага земляка – у колішнім засценку Пунькі. Колішні, бо населенага пункта з такой назвай сёння няма на карце Глыбоцкага раёна. Людзі даўно пакінулі гэта месца, і напамінам пра тое, што тут калісьці віравала жыццё з’яўляюцца толькі старыя садовыя дрэвы ды каменне ад фундаментаў хат. Засценак, а пазней хутар Пунькі, знаходзіўся на краі вялікай Галубіцкай пушчы. Тут і прайшло дзяцінства будучага мастака, пісьменніка, фалькларыста, этнографа, археолага, які нарадзіўся ў сям’і збяднелага шляхціча-арандатара. Пазней, у сваім дзённіку Язэп Драздовіч запісаў: “14 кастрычніка. Субота. Сягодня дзень Пакрова, па старому стылю 1 акцябра. Дзень майго ўраджэння ў засценку Пунька, на пушчы Цытавізна. Рад быў бы памянуць гэты дзень, ды не маю з чым. І ці прыйдзецца мне калі хоць бы раз ды адзначыць па-людску – як дзень нараджэння, як дзень асабістага свята майго?.. Беднасць… Дастаткі не пазваляюць…”

Адкрыццё памятнага знакаУрачысты момант мерапрыемстваУсе ўдзельнікі ўрачыстага мерапрыемстаДырэктар Падсвільскай школы расказвае сваім вучням пра іх знакамітага землякаНашчадкі Драздовіча ля памятнага знакаНа краі Галубіцкай пушчы

Уручэнне пасведчанняў Штогод 22 верасня ў Рэспубліцы Беларусь, як і ў большасці развітых краін свету, праводзіцца міжнародная акцыя - «Дзень без аўтамабіля». Мэта мерапрыемства - акцэнтаваць увагу грамадства на пытаннях забруджвання атмасферы шкоднымі выкідамі ад транспарту.
На старцеМоладзь Глыбоччыны ў чарговы раз адгукнулася на заклік пакінуць аўто і сесці на веласіпеды, каб працягнуць знаёмства з цікавымі мясцінамі роднага краю. Менавіта, працягнуць, бо тыдзень таму назад глыбачане прынялі ўдзел у велапрабегу па месцах, звязаных з нашым таленавітым земляком - Я. Драздовічам (матэрыялы аб велапрабегу можна чытаць тут).

На маршруцеУ гэты раз маршрут быў пракладзены ў заходнім напрамку, у бок маёнтка пана Акушкі. Гэта адзін з нешматлікіх аб'ектаў гісторыка-культурнай спадчыны нашага рэгіёну, які нядрэнна захаваўся да нашых дзён. Прычым інфармацыя аб сядзібе практычна, цалкам адсутнічае ў сучасных краязнаўчых выданнях. Абследаваць і вывучыць гэтае месца - такую задачу паставілі перад сабой ўдзельнікі вела-экскурсіі.
Ля сцен гаспадарчай пабудовы маёнтка пана АкушкіПераадолеўшы адлегласць у 13 км (гэта лічба не спалохала ні аднаго з велатурыстаў) юныя даследчыкі прыбылі ў в. Канстанцінава, зрабіўшы першы прыпынак ля касцёла Св. Язафата Кунцэвіча. Пачуўшы гісторыю гэтага храма і агледзеўшы месца пахавання прадстаўнікоў роду Акушкаў ля сцен касцёла, удзельнікі адправіліся аглядаць пабудовы былой сядзібы. "У які ж куточак раёна накіравацца ў наступны раз?"Легенды і паданні аб сядзібе, расказаныя супрацоўнікам музея, толькі павысілі цікавасць да абследавання гэтага месца. Ні адзін куточак маёнтка не застаўся ў баку ад дапытлівых поглядаў удзельнікаў вела-экскурсіі.
Дарога дадому атрымалася крыху даўжэйшай, але ў запале абмеркавання ўбачанага і пачутага праляцела неўзаметку.

Развітваючыся,  юнакі і дзяўчаты доўга спрачаліся аб маршруце наступнага падарожжа, якое, мы спадзяёмся, не за гарамі!

Ля касцёла Св. Язафата КунцэвічаЛя дома пана АкушкіПадвядзенне вынікаў велападарожжа"Тут, напэўна, і захоўваюцца таямніцы маёнтка...""Лезці ці не, вось у чым пытанне..."Дарога дамоў заўсёды карацейшая!Веласіпед - гэта не раскоша, а сродак для падарожжаў

Сусветны дзень без аўтоПарк АкушкіСусветны дзень без аўтамабіля, які штогод адзначаецца 22 верасня ў многіх краінах, праводзіцца з мэтай прапаганды ідэі пешага і веласіпеднага спосабаў перамяшчэння і выкарыстання грамадскага транспарту.
У рамках дня без аўтамабіля аддзел ідэалагічнай работы, культуры і па справах моладзі Глыбоцкага райвыканкама і Глыбоцкі гісторыка-этнаграфічны музей запрашае вас прыняць удзел у вела-экскурсіі «Легенды і паданні сядзібы пана Акушкі» (13 км. у адзін бок). Збор 22 верасня 2018 года ў 16.00 на Цэнтральнай плошчы г. Глыбокае.

Мы чакаем менавіта Вас !!!

Я сірата – кругом адзін, бяздомны, бясхатні падарожнік.

Язэп Драздовіч. 1936 год.

Адбыўся велапрабег, які арганізавалі і правялі супрацоўнікі музея для моладзі Глыбочыны да 130-годдзю з дня нараджэння Язэпа Драздовіча.
Прайшоў ён па знакавых для нашага земляка мясцінах Дзісненшчыны, у ходзе якога моладзь змагла не толькі наведаць апісаныя мастаком у сваім дзённіку вёскі і мястэчкі, але і пазнаць многа цікавага з гістарычнага мінулага роднага краю. Звыш сотні кіламетраў пераадолелі ўдзельнікі велапрабегу па тэрыторыі Глыбоцкага і Шаркаўшчынскага раёнаў, пабывалі ў многіх мясцінах, звязаных з імем нашага славутага мастака, пазнаёміліся з экспазіцыямі некалькіх музеяў. На кожным прыпынку маршрута ўдзельнікі з вялікім задавальненнем перачытвалі і абмяркоўвалі запісы Драздовіча, шукалі ў іх цікавыя і неардынарныя моманты жыцця вандроўнага мастака:

Глыбокае. Старт велапрабегу. Верасень 2018 г.Глыбокае.

Ліпень 1934 года.

У чацвер ад’ехаў з кавалём у Глыбокое, дзе ў першы раз давялося аглядаць надзвычайна вялікі кірмаш – торг. Усе рынкі былі перапоўнены вазамі. Чаго даўней у перадваенныя часы рэдка калі так бывала, і аднаго кароўяга (што ў цэнтры мястэчка) рынку хапала, а цяпер у некалькі разоў большы рынкавы пляц па-за мястэчкам і той перапоўнены так, што ўсіх не змяшчаець… Відаць, што з’язджаюцца не з дабра, а з бяды – не купляць, а прадаць, дзеля марнага гроша на розную рознасць. Закупіўшы ў Глыбокім самае найпатрэбнейшае, наколькі грошы хапіла іду адведаць сваіх даўно знаёмых сясцёр-малярак, што ў Бярэбоччы жывуць, над возерам, насупраць астраўка.

Магіла Я.Драздовіча на могільніку вёскі ЛяплянеМагіла нашага земляка, вядомага беларускага мастака, фалькларыста, этнографа, археолага Язэпа Драздовіча занесена ў Дзяржаўны спіс гісторыка-культурных каштоўнасцей Рэспублікі Беларусь. Такое рашэнне прыняў Віцебскі абласны выканаўчы камітэт 12 верасня 2018 года.
Сімвалічна, што адбылося гэта напярэдадні чарговай гадавіны з дня смерці знакамітага мастака (ён памёр 15 верасня 1954 года), а таксама ў год святкавання 130-годдзя з дня нараджэння.
Пахаваны мастак на вясковых могілках вёскі Ляпляне (Глыбоцкі раён, Віцебская вобласць), што непадалёку ад месца нараджэння (засценак Пунькі). На магіле славутага земляка ў 1982 годзе ўсталявалі помнік з барэльефам (работа скульптара Алеся Шатэрніка).

Калаж работы Я. Драздовіча15-16 верасня 2018 года адбудзецца моладзевы велапрабег "Дарогамі дзядзькі Язэпа», прысвечаны 130-годдзю з дня нараджэння нашага земляка. Маршрут велапрабегу распрацаваны супрацоўнікамі нашага музея і пройдзе па тых знакавых месцах, якія звязаны з імем вядомага мастака. Глыбокае, Залессе, Антаполье, Зубкі, Летнікі, Лужкі, Германавічы, Гарадзец, Задарожжа - гэта толькі невялікая частка тых мясцін Дзісненшчыне (тэрыторыя сучаснага Глыбоцкага і Шаркоўшчынскага раёнаў), па якіх на працягу двух дзён будуць калясіць на роварах удзельнікі прабегу. Пры стварэнні маршруту выкарыстоўваліся запісы ў дзённіках, якія вёў Язэп Драздовіч з 1933 па 1937 год.

«Начую ў Наваполлі. А другі дзень праводжу дома – у Летніках з Башкіром (аўт. Янкам Пачопкам) і з прыбыўшым сюды самакаткай (аўт. на веласіпедзе) Звінячым (аўт. Міхасём Машарам)…”, або “Мімаходам з Германавіч ў Антаполле, у Летніках, нацешыўшыся ўдоваль варажбой малодзенькім дзяўчаткам, адпраўляюся да брата…”, ці “Валю пехатой на фэст у Задарожжа, які закончыўся па бутэльцы піва на брата. Валю пехатой на Парэчча ў фальварак Айчызну да аднаго з найзаможнейшых з маіх небагатых фамільянаў (аўт. аднафамільцаў) і паспяваю да захаду сонца… " - так апісваў свае "вандроўкі" дзядзька Язэп.

Мы запрашаем усіх, хто жадае прыняць удзел у займальным падарожжы і яшчэ раз успомніць свайго выдатнага земляка.
Па ўсіх пытаннях звяртайцеся па тэлефоне 21255 (Таццяна).

Фота-сушка "Вішнёвая феерыя""Вось як гэта было..."21 ліпеня, у дзень правядзення галоўных урачыстасцей «Вішнёвага фестывалю - 2018» аўтобусны прыпынак каля цэнтра традыцыйнай культуры і народнай творчасці выглядаў не зусім звычайна. Супрацоўнікі музея ладзілі тут фота-сушку «Вішнёвая феерыя», на якой можна было ўбачыць самыя яркія і запамінальныя моманты ўсіх пяці папярэдніх фестывальных гадоў. Глыбачане і госці фестывалю змаглі ўбачыць на фотаздымках адкрыццё помніка “Глыбоцкая вішня”, скульптурнай кампазіцыі “Сям'я”, дэкаратыўна-мастацкай кампазіцыі «Сяброўства народаў». Фотаздымкі захавалі для нас урачыстае шэсце розных гадоў на чале з Вішнёвай каралевай, працу падворкаў з вішнёвымі прысмакамі, выступленні замежных калектываў на вішнёвым свяце ў Глыбокім. Кожны фестывальны год быў незвычайны, маляўнічы і неардынарны. «Вішнёвая феерыя» увабрала ў сябе толькі самае лепшае: сапраўды народнае свята ў тварах, вобразах і падзеях.
У вас ёсць фотаздымкі з «Вішнёвага фестывалю - 2018»? Тады вам да нас… і ў наступным годзе глыбачане і госці фестывалю будуць разглядаць і вашы здымкі!

Каманда - пераможца! (ДУА "Сярэдняя школа №3 г. Глыбокае")У чарговы раз для глыбоцкай моладзі, а таксама для ўсіх аматараў мясцовай гісторыі і актыўнага адпачынку супрацоўнікі музея правялі квэст-гульню «Вішнёвая благадаць". Праходзіла яна ў рамках «Дня моладзі» на Вішнёвым фестывалі. Нягледзячы на «не самыя лётныя» умовы надвор'я, у гарадскім прыгодніцкім арыентаванні прыняло ўдзел 14 каманд. Нароўні з дарослымі ў спаборніцтва ўключыліся і дзеці (каманды вучняў гарадскіх і сельскіх школ раёна).
Удзельнікам квэст-гульні неабходна было знайсці ў гарадскім асяроддзі 9 аб'ектаў, зрабіць фатаздымак ўсёй каманды і адлюстраваць на ім адну з літар слова «ФЕСТЫВАЛЬ». Якія крэатыўныя, творчыя і неардынарныя фатаздымкі прадставілі каманды на разгляд журы! Хтосьці быў у кадры з парасонам, хтосьці з кветкамі і лісцікамі, а хтосьці... са слоікам вішнёвага кампоту! Пры вызначэнні трох прызавых месцаў журы зыходзіла з правільнасці знаходжання ўдзельнікамі аб'екта, хуткасці праходжання і крэатыўнасці ў падыходзе да стварэння фатаграфіі.
У гэты раз святкавалі перамогу: каманда ААТ «Глыбоцкі камбікормавы завод», якая заняла трэцяе месца, другое месца ў каманды вучняў ДУА «Сярэдняя школа №2 г. Глыбокае», першае месца ў каманды вучняў ДУА «Сярэдняя школа №3 г. Глыбокае».
Дзякуем за ўдзел, вялікую сілу волю і імкненне да перамогі ўсіх удзельнікаў квэст-гульні. Новае прыгодніцкае спаборніцтва не за гарамі, “госпожа удача” абавязкова павінна камусьці ўсміхнуцца!

Каманда 2 ДУА "Сярэдняя школа №3 г. Глыбокае" з літарай "С"Каманда ДУА "Удзелаўская дзяцячы сад - сярэдняя школа Глыбоцкага раёна" з літарай "Е"Каманда ДУА "Сярэдняя школа № 2 г.Глыбокае" з літарай "Ь"Каманда Глыбоцкага ЗВЭС з літарай "И"Каманда ДУ "Глыбоцкі раённы цэнтр гігіены і эпідэміялогіі" з літарай "В"Каманда Глыбоцкага РВПС з літарай "Е"Каманда Глыбоцкага РАНС з літарай "С"Каманда ДУА "Падсвільская сярэдняя школа Глыбоцкага раёна" з літарай "А"Каманда Глыбоцкай цэнтральнай раённай бальніцы з літарай "С"Каманда УВП "Глыбоцкі малочнакансервавы камбінат" з літарай "А"Каманда УА "Глыбоцкі дзяржаўны прафесійны ліцэй" з літарай "Е"Каманда ДУА "Глыбоцкая раённая гімназія" з літарай "Т"Каманда ААТ "Глыбоцкі камбікормавы завод" з літарай "Ь"