Запрашаем да удзелу!

25 ліпеня 2019 года адбудзецца квэст “Таямніца вішнёвай квецені”. Запрашаем прыняць удзел у гэтым захапляльным падарожжы...

Моладзевы патрыятычны форум «Я памятаю! Я ганаруся!»

1-3 ліпеня 2019 года ў нашым горадзе праходзіў моладзевы патрыятычны форум «Я памятаю! Я ганаруся!», прысвечаны 75-гадавіне...

Адбыўся велапрабег "Дарогамі партызанскай славы"

29-30 чэрвеня 2019 года адбыўся велапрабег, прысвечаны 75-годдзю вызвалення Беларусі ад нямецка-фашысцкіх захопнікаў....

Мітынг-рэквіем "Свечка Памяці"

Мітынг-рэквіем "Свечка Памяці" адбыўся 22 чэрвеня 2019 года ў нашым горадзе. Ля месца жалобнай цырымоніі ў Парку Перамогі...

“Тата! Твой выхад!”

16 чэрвеня на цэнтральнай плошчы горада прайшоў форум “Тата! Твой выхад!”, прысвечаны Міжнароднаму дню бацькі. Наш музей...

Велапрабег "Дарогамі партызанскай славы»

29-30 чэрвеня 1944 года савецкія войскі, развіваючы наступленне, уступілі ў першыя баі з фашыстамі па вызваленні тэрыторыі...

Эстафета "Пламя міру" у Глыбоцкім раёне

Эстафета агню галоўнай спартыўнай падзеі года працягвае ўрачыстае шэсце па Беларусі. 27 мая "Полымя міру" сустракалі ў...

Афіша новай выставыХутка ў Цэнтры традыцыйнай культуры і народнай творчасці адкрываецца унікальная экспазіцыя. З незвычайнай выставай «Атлантыда. Мігатлівыя скарбы Йонагуні» у наш горад прыбудуць фантастычныя японскія Атланты. Выстава - гэта аўтарскі праект прадстаўніка Цэнтра культуры і спорту Японіі «Дзэнрын канкэй» («Доросуседства») у краінах СНД, даследчыка японскай культуры - Уладзіслава Асака. На ёй будуць прадстаўлены экспанаты, прывезеныя з Японіі, Інданэзіі, Папуа-Новай Гвінеі, Гватэмалы і Шры-Ланка.

Атлантыда фігуруе ў многіх легендах і ў эпасе амаль усіх краін: менавіта з гэтай цывілізацыяй звязаны паданні аб зніклай зямлі, эпас Англіі і Ірландыі. Назва паходзіць ад імя Атлант, у старажытнагрэцкай міфалогіі так звалі тытана, брата Праметэя. Пра гэты востраў-дзяржаву пісалі свае працы старажытныя філосафы Платон, Герадот і Прокл. У іх распавядаецца пра паходжанне атлантаў і пра супраціўленне свабодных Афін ваяўнічай Атлантыдзе. Платон ў сваіх рукапісах распавядае нам казку пра Пасейдона і яго каханую - смяротную дзяўчыну Клейто. Дзесяць іх сыноў-напаўбагоў і сталі родапачынальнікамі атлантаў. Старэйшага брата клікалі Атлант, у гонар яго быў названы легендарны востраў. Часткі старажытнай культуры магчымых Атлантаў ужо знойдзеныя ў розных кутках зямнога шара.

У выставачнай зале гледачы, перш за ўсё, ўбачаць фантастычную інтэрпрэтацыю адной з «Атлантыдаў», якая знойдзена ў 1986 годзе ў Японскім моры - падводны горад Йонагуні. Яго ўзрост не менш за дзесяць тысяч гадоў. Японская варыяцыя ўсім вядомага згубленага падводнага свету будзе раскрытая ў экспазіцыі праз фігуры міфалагічных персанажаў ўсходняга эпасу (Цмок, Белы леў «Кабукі», вадзяны «каппа», лясун «тэнгу», падземны монстр «Бакэмоно») і спецыяльна падрыхтаваныя дэкарацыі, якія ствараюць эфект марскога дна.
Мэта праекта - паказаць японскі варыянт духоўнага пошуку, памылак і удалых знаходак. Магчымасць параўнаць маральныя пазіцыі народаў Усходу і нашага светапогляду. Усе экспанаты апрацаваны адмысловымі сумесямі японскіх і нямецкіх фарбаў, што надае ім незабыўнае маляўнічае свячэнне. Прыемны сюрпрыз чакае ўсіх тых, хто схільны да розных рэспіраторных захворванняў (ВРЗ, ангіна, грып). Справа ў тым, што светлавыя лямпы, устаноўленыя для асвятлення экспанатаў, працуюць у гаючым рэжыме, забіваючы ўсе хваробатворныя мікробы, ўльтрафіялетавага дыяпазону.
Выстава пазнаёміць з героямі міфаў і рэальнымі прадметамі народаў Акіяніі - «мабільнікам» папуасаў, маскамі правадыроў з Гватэмалы, сланом з ружовага дрэва і размаляванай «фугу». На выставе будзе гучаць музыка народаў свету. А яшчэ, арганізатары падрыхтавалі незабыўную магчымасць праявіць сябе ў жанры святлапісу (малюнкі святлом). Адным словам, дзякуючы разнастайнасці прадметаў, падарожжа ў непаўторны і займальны свет легендарнай Атлантыды стане маляўнічым адпачынкам для наведвальнікаў любога ўзросту. Галоўнае, не забыцца захапіць фотаапарат, відэакамеру ці смартфон, аб якім нашы далёкія продкі - Атланты маглі толькі марыць.

Выстава будзе працаваць з 12 сакавіка 2018 па 15 красавіка 2018 года.
Чакаем Вас кожны дзень з 9.00 да 18.00 у Цэнтры традыцыйнай культуры і народнай творчасці (вул. Леніна, 40.)