ЖАЛОВАННАЯ ДАННАЯ С ОТВОДОМ (РУБЕЖОМ) ЗАПОВЕДНАЯ ГРАМОТА ВЕЛИКОГО КНЯЗЯ ПОЛОЦКОГО АНДРЕЯ ОЛЬГЕРДОВИЧА ФЁДАРУ И ДМИТРИЮ ФЁДОРОВИЧУ КОРСАКАМ НА СЕЛО СЕМЕНЦОВО НА БЕРЕЗВЯЧИ (1350-1378, 1381-1387 гг.)
Се аз князь великий Андрей Ольгердович полоцкий дали есьмы Фёдору и сыну его Дмитрию село Семенцово на Березвячи.
А тому селу велели есьмо и рубеж зарубити от реки от Березвячи по реке по Прудышчины в верх к участым а от верховья от Прадышчнаго рубеж по мху в озерчо в Демьяное, а от демьяного дорогою к Заборью, а от Заборья дорогою к озерцом, а от озерец дорогою ку Залесью, а от Залесья в озеро у Городно, а из Городна в озеро у Мырично, а з Мырична в озеро Белое, а з белого озера рубеж у мох великий, а зо мху на Гривос, а от Гривеса у ручаи, а по ручью в озеро у Потов, а с Потова по Потовицы в реку в Дисну.
А через тот рубеж переступит, нашим людем ненадобне ходити никому ни з собакою, а ни з пешнею.
А хто тот рубеж переступит, даст князю великому три гривны золота.
А при том был князь Василий Друцкий, а Братоша, а Гирдени Любецки.
А того рубежа зарубати посылали есьмо ездоком Донярку.
У его прывилею печать привесистая одна.
Полоцкие грамоты XIII – XVI вв. М., 1977. с 43-44
4 сентября 1492 г.
"Акты литовской метрики".Том первый, выпуск первый (1413-1498). Варшава,1898.
Лист Глебу Ивановичу Зеновьевичу на позволенье в имении его Голубичах в земле полоцкой место садити, торг и корчмы иметь и на землю пустовскую Шевердину, так же на дазволенье в озере Свечине рыбы ловити вечно.
Жикгимонт Август.
Чиним явно сим нашим листом.
Бил нам челом боярин земли Полоцкой, пан Глеб Иванович Зеновьевич, чтобы дозволили ему место садити и торг и корчмы иметь в имении его в земле Полоцкой в Голубичах, которое от замку нашего полоцкого далеко есть и которое тем шкоды и переказы месту нашему Полоцкому учинить не может.
И к тому особливо просим, чтобы дали ему землю пустовскую там же, в земле Полоцкой, на имя Шевердину, которая уже от немалого часу впустую лежит и никакой службы и пожитку нам, господарю, с неё не было.
Яко ж воевода полоцкий, пан Станислав Станиславович Довойно, уже ему тую пустовщину до воли господарское держати дал и в озере нашем Свечине, приезжаючи ему там в ловы, рыбы ловить дозволил. На что и лист пана воеводы полоцкого в себе мает, который перед нами покладал.
И бил нам челом, что бы при том его заставили и лист наш господарский на то на всё ему дали. О что и воевода виленский, маршалок земский, канцлер наш, староста берестейский, державца борисовский и шовленский, пан Николай Радзивил и воевода полоцкий, пан Станислав Станиславович Довойно у причине за ним нас жедал.
А так мы, паметаючи на верные а дознаные противко нам, господарю, службы панов бояр земли Полоцкой, и на причину панов воевод виленского и полоцкого, и на челобитье пана Глеба Зеновьевича, то есмо вчинили. И когда тем местом и торгом его никоторой шкоды и переказы месту нашему Полоцкому нет, мы ему в том именью его Голубичах место садити, и торг, и корчмы медовые, пивные и горелочные иметь дозволили, и при той земле пустовской Швердине в земле Полоцкой подле листу пана воеводы полоцкого его зоставили, и тем листом нашим заставуем, и в том тоже озере нашем Свечине, когда там в ловы приезжать будет, рыбы ловить ему есмо допустили.
Мает он с того местечка и с того торгу своего пожитки всякие на себя там брать, и того добровольно уживати, и оную землю пустовскую Швердину на себе держати, и в том озере Свечине, когда там в ловы приезджаючи будет, рыбы ловити, и во всём том вольность мает на вечные часы.
А на твёрдость того и печать нашу казали есмо приложити к сему нашему листу.
Писан в Вильни, 1552 г.
Метрыка Вялікага Княства Літоўскага. Кніга 28 (1522-1552 гг.)
Жикгимонт Август.
Чиним знаменито сим нашим листом.
Бил нам челом боярин полоцкий Остафей Корсак и поведал перед нами, что воевода полоцкий пан Станислав Довойно, дозволил ему в имении его в Заборьи в день субботний торг мети до воли нашей господарской.
Которое имение его в пятнадцати милях от Полоцка лежит и которое тем шкоды и переказы месту и торгу нашему полоцкому чинить не может. На что его милость и лист свой ему дал, который он перед нами покладал. И бил нам челом, чтобы при том его заставили, и тот торг в имении его Заборьи мети, и местечко там садить ему дозволили, и лист наш господарский на то ему дали. О чём же воевода виленский, маршалок земский, канцлер наш, староста берестейский, державца борисовский и шовленский, пан Николай Радзивил за ним нас у причине жадал.
А так мы з ласки нашее господарское, челобитное и на причину пана воеводы виленского то учинили. И когда без шкоды нашее господарское, а которое в том переказу месту нашему нет, то местечко там в имению его Заборье садить и торг в том местечку меть ему дозволили.
Мает он с того местечку и с торгу своего пожитки всякие на себя там братии и того добровольно вживати вечные часы.
А на твёрдость того и печать нашу казали приложити к сему нашему листу.
Писан в Вильни, 1551 г.
Метрыка Вялікага Княства Літоўскага. Кніга 28 (1522-1552 гг.)
Восемь судебных определений по обвинению Виленским воеводою Николаем Николаевичем Радзивиллом державцы Могилёвского Юрия Зеновьевича – в нападениях на его имения, в совершении убийств, грабежей и разного рода насилий над его крестьянами.
9 мая 1514 года
Поездка архиепископа Никандра в Дисенский уезд Виленской губернии для освящения церкви в с. Голубичах и обозрение соседних церквей.
Пацвярджэнне («привилей») «навечность» Жыгімонтам Аўгустам пад. гасп., казаку Полацкага замка Мікіту Варыгу на дзве зямлі пустуючыя: Харышэўшчыну і Брахачэўшчыну Полацкай воласці, у Зябках – паводле «листа» ваяводы полацкага пана Станіслава Двойны пры ўмове службы коннай вялікаму князю.
18 сакавіка 1546 г.
"Метрыка Вялікага Княства Літоўскага". Книга №30 (1480-1546 гг.): Книга записей №30 (копия канца XVI в.) – Минск: Белорус.наука, 2008.
"Акты литовской метрики." Том первый, выпуск первый (1413-1498 гг) ст. 62-63
11 марта 1495 года
Вырок бояром Полоцким Васку, Гаврилу а Богдану Сенковичом Радковичом с поддаными их Свиляны о выламованию се им з держанья.
Сам Александр божью милостью.
Смотрели есмо того дела с паны радою нашою. Жаловали нам бояре Полоцкие: Васко, а Гаврило, а Богдан Сенковичи, што отец наш, король его милость, дал деду их Гринку, а потом сыну его, отцу их Сеньку осмь чоловеков Свилян в Полоцком повете, а далей отец же наш, король его милость, и достал тых людей, все село Свило, дал деду их и отцу их со всим тым, што к тому селу здавна прислухало, и с куницами, и з бобровыми гоны, и они почали ся были в них отнимати ся, таким обычаем рекома, бы их в них отнял пан Андрей Сакович, коли держал Полтеск за отца нашего. И стояли о том перед нами очевисто Васко, а Гаврило, а Богдан положили перед нами листы отца нашего и те ж пана Сенько в Гедиголдовича лист, иж о том межи ними смотрел и тых людей Свилян всих выдал им; и пана Андреев Саковича лист те ж перед нами положили, што в них людей тых не отыскал.
И мы о том межи ними досмотревши, тые люди Свиляне присудили есмо Васку, а Гаврилу а Богдану Сеньковичом Радковича со всим тым, што к тому селу здавна прислухает, с куницами и з бобровыми гоны, вечно, подлуг листов отца нашего и пана Сенькова Гедиголдовича и пана Андреева Саковича; нехай они им служат по тому, как в листах отца нашого выписано, и всякую дачку дають.
Писан у Вильни. Марта 11 день. Индикт 13.
При том был пан Ян Юрьевич, пан Троцкий, наместник Полоцкий.
"Акты литовской метрики." Том первый, выпуск первый (1413-1498 гг) ст. 62-63