9 мая наша краіна адзначае адну з самых значных і важных дат у сваёй гісторыі - Дзень Перамогі. Гэта дзень, калі ўся краіна прыгадвае гераізм і подзвіг свайго народа. Памяць аб страшнай вайне і Вялікай Перамозе не можа згаснуць: яна навечна ўпісана ў гісторыю Айчыны і кожнай беларускай сям'і. Перажытая трагедыя і дасягнутая Перамога - вечная крыніца болю і горычы, гонару і славы беларускага народа.
У гэты дзень у многіх музеях нашай краіны праводзяцца розныя тэматычныя мерапрыемствы. Глыбоцкі музей не стаў выключэннем. У гэты дзень мы працуем для Вас, паважаныя наведвальнікі.
Наш музей 15 мая запрашае правесці разам самую загадкава-таямнічую ноч года - "Ноч музеяў". Усе мерапрыемствы будуць праходзіць не толькі ў залах нашага музея з магчымасцю поўнага пагружэння ў гістарычную эпоху, але і ў музейным дворыку.
Наведванне ўсіх мерапрыемстваў бясплатнае, але капеечка ў кішэні можа спатрэбіцца. Прыходзьце, не пашкадуеце - гэта будзе асаблівы вечар!
Запрашаем усіх жадаючых прыняць удзел у адкрыцці часовай экспазіцыі "Хронікі Першамая". У экспазіцыйным рашэнні прадстаўлены экспанаты, якія апавядаюць пра гісторыю свята, перадавікоў вытворчасці, дасягненні прамысловасці і сельскай гаспадаркі, Героях Сацыялістычнай Працы. Пад лозунгам «Мір! Праца! Май» успомнім пра першамайскія дэманстрацыі і маёўкі, працоўныя акцыі і студатрады. Прыходзьце, будзе цікава!
У гісторыі нашага народа ёсць свята, якое можна назваць святым. Гэтае свята - Дзень Перамогі! Як многа ў гэтых словах. У іх гарката слёз і радасць перамог. Бо падзеі тых страшных гадоў закранулі практычна кожную савецкую сям'ю, кожнага чалавека. Дзень Перамогі - гэта боль і радасць нашых дарагіх ветэранаў і глыбокая падзяка сучаснікаў іх вялікаму подзвігу. Гэтая страшная вайна назаўжды застанецца ў нашай гісторыі і ў памяці чалавецтва. Усё больш і больш гадоў аддзяляюць нас ад падзей Вялікай Айчыннай вайны і ўсё менш становіцца відавочцаў гэтых падзей. І няхай прайшло ўжо некалькі дзесяцігоддзяў, але кожны год у пачатку мая па-ранейшаму ўсе мы з павагай і трапятаннем успамінаем подзвіг нашых бацькоў, дзядоў і прадзедаў і разам святкуем Вялікую Перамогу.
Запрашаем усіх жадаючых прыняць удзел у гульнявым даведніку, прымеркаваным да Міжнароднага дня помнікаў і гістарычных мясцін.
Займальнае мерапрыемства, прымеркаванае да 65-годдзя першага палёту чалавека ў космас, прапануем вучням 4-8 класаў школ раёна. На мерапрыемстве дзеці адправяцца ў касмічнае падарожжа па залах музея, падчас якога іх чакаюць розныя пазнавальныя віктарыны, забаўляльныя гульні і складаныя інтэлектуальныя заданні. Спадзяёмся, што камандная гульня спадабаецца кожнаму дзіцяці. Тэлефануйце, запісвайцеся і адпраўляйцеся пакараць космас разам з навуковымі супрацоўнікамі нашага музея.
Гісторыя чалавецтва захоўвае шмат трагічных дат і жахлівых дзён, многія з якіх прыйшліся на XX стагоддзе, якое перажыло адразу дзве сусветныя вайны. Адной з самых жахлівых старонак чалавечай гісторыі стала гісторыя фашысцкіх канцэнтрацыйных лагераў. Невыносныя ўмовы стваралі для людзей фашысты ў канцлагерах, але зламаць волю да перамогі не змаглі. 11 красавіка ва ўсім свеце адзначаецца Міжнародны дзень вызвалення вязняў фашысцкіх канцлагераў, устаноўлены ў памяць аб інтэрнацыянальным паўстанні ў Бухенвальдзе. У гэты дзень у 1945 гадзе вязні канцлагера паўсталі і ўтрымлівалі яго да прыходу саюзных войскаў.
30 сакавіка 2026 года ў 16.00 адбудзецца ўрачыстая прэзентацыя выставы-вернісажу “Браслаўскія зоры”. Гэты культурны праект існуе ўжо 10 гадоў і з'яўляецца Дыпламантам Нацыянальнай турыстычнай Прэміі “Пазнай Беларусь” у намінацыі “Праект года па развіццю культурнага турызму”.
На выставе, якая заклікана папулярызаваць прыродныя і культурныя славутасці Браслаўскага раёна, прадстаўлены работы фатографаў Юрыя Жэрко (Браслаў) і Дзмітрыя Бельскага (Мінск), а таксама карціны мастака Валерыя Леўшы з Глыбокага.
Прыходзьце! Будзе цікава!
