Зямля ўсюды цудоўная і можа стаць яшчэ прыгажэйшай, калі мы будзем насіць у сабе, у сваёй душы гэту духоўную прыгажосць, без якой не можа быць прыгажосці акаляючага нас свету.
Новая пазнавальна-гульнявая выстава пад такой назвай адкрылася ў выставачнай зале нашага музея. Яна знаёміць наведвальнікаў з магутнымі і загадкавымі насельнікамі акіянаў, якія жылі мільёны гадоў таму, ад старажытных аманітаў да манументальных марскіх рэптылій. Усе прадметы выставы з'яўляюцца позіркам у мінулае, дэманструючы цуды эвалюцыі ў фармаванні флоры і фаўны нашай планеты. Вас чакае падарожжа скрозь час, дзе кожны крок раскрывае новы сакрэт старажытных мораў.
Вас чакаюць розныя інтэрактыўныя гульні і заняткі, дзе кожны, нягледзячы на ўзрост, адчуе сябе сапраўдным даследчыкам падводнага царства. Падарыце сабе і сваёй сям'і незабыўны дзень у свеце, дзе мінулае ажывае перад вачыма. Адкрыйце для сябе старажытныя таямніцы акіяна!!!
Дзень пажылога чалавека, які адзначаецца ва ўсім свеце 1 кастрычніка, – гэта напамін для маладога пакалення, што старасць мае патрэбу ў падтрымцы, любові, клопаце. Гэта напамін аб тым, што нічога няма вечнага: маладосць з часам змяняецца сталасцю, а потым і старасцю.
Узрост дарослых, мудрых людзей часта называюць восенню жыцця. Як кожная пара года прыгожая па-свойму, так непаўторныя і ўзроставыя "сезоны" нашага жыцця. Старасць - час разважанняў аб сэнсе жыцця і час прымірэння, новы плённы заканамерны этап. Можна прывесці шэраг прыкладаў, калі людзі сталага ўзросту творча і паспяхова працавалі. Пісьменнік Леў Талстой, мастак Тыцыян, драматург Бернард Шоу менавіта ў старэйшым узросце стварылі найвялікшыя шэдэўры мастацтва, захоўваючы розум і жыццярадаснасць да апошніх дзён.
Не сакрэт, што менавіта ў людзей сталага веку зяўляецца жаданне вывучаць гісторыю свайго народа, сваёй маленькай радзімы, свайго роду. Для іх мы і падрыхтавалі чарговае музейнае мерапрыемства, якое дазволіць больш даведацца пра сваіх знакамітых землякоў.
Гістарычная гадзіна, прысвечаная падзеям паходу Чырвонай арміі ў 1939 годзе па вызваленні беларускіх земляў ад польскай акупацыі, падрыхтавана супрацоўнікамі нашага музея і адбудзецца напярэдадні гэта знамянальнага дня ў гісторыі нашай дзяржавы.
Пасольства Японіі ў Рэспубліцы Беларусь сумесна з Глыбоцкім раённым выканаўчым камітэтам падрыхтавала жыхарам і гасцям нашага горада падарунак - выставу "Традыцыі і культура Японіі", якая знаёміць з рознымі аспектамі традыцыйнай японскай культуры.
Выстаўка прадстаўлена экспанатамі, якія былі выраблены ў Японіі і наглядна дэманструюць светапогляд і лад жыцця японцаў: макеты архітэктурных помнікаў, узоры страў японскай кухні, японскія лялькі, кімано, макеты традыцыйнага хатняга начыння і многае іншае.
Гасцей і жыхароў нашага горада мы запрашаем прыняць удзел у інтэлектуальна-забаўляльным квэсце "Вішнёвыя заданні з сакрэтам", які пройдзе ў першы дзень Вішнёвага фестывалю - 18 ліпеня.
Для ўдзелу вам неабходна сабраць каманду з 3-5 чалавек і зарэгістравацца да 16 ліпеня. Па традыцыі, каардынацыя каманд падчас праходжання квэста будзе ажыццяўляцца з дапамогай месэнджара Viber, дзякуючы якому каманда будзе адказваць на фотапытанні. Усе заданні квэста звязаны з аб'ектамі горада Глыбокае (цяперашнімі або тымі, што існавалі раней), а хуткасць і дакладная каардынацыя дзеянняў каманды дазволіць вам стаць пераможцам, а значыць атрымаць памятны прыз.
Праверце - наколькі добра вы ведаеце свой горад!
Выстава пад такой загадкавай назва пачала работу ў нашым музеі напярэдадні Міжнароднага дня музеяў. На ёй прадстаўлены лепшыя экспанаты, сабраныя супрацоўнікамі за амаль трыццацігоддзе працы ўстановы.
З 2 па 8 чэрвеня ў нашай краіне пройдзе маштабная рэспубліканская акцыя "Вандруй. Адчуй. Натхняйся", закліканая папулярызаваць унутраны турызм, адкрыць беларусам і гасцям краіны ўсю разнастайнасць турыстычных магчымасцей. Наш музей далучаецца да акцыі і запрашае ўсіх жадаючых 5 і 6 чэрвеня на бясплатнае наведванне экспазіцыі музея. Чакаем Вас у госці!
Штогод ва ўсім свеце 18 мая адзначаецца Міжнародны дзень музеяў. У гэты дзень на музейных пляцоўках праходзяць розныя мерапрыемствы пазнавальна-забаўляльнага характару.
З 2013 года, а гэта значыць, трынаццаты раз, Глыбоцкі музей прымае ўдзел у гэтай акцыі. У гэтым годзе мы прапануем сустрэцца «На скрыжаваннях гісторыі» 16 мая ў 17.30. Усе жадаючыя змогуць прыняць удзел у інтэрактыўных праграмах, якія будуць арганізаваны ў музейным дворыку і ў залах нашага музея. Наведвальнікі мерапрыемства змогуць прадэгуставаць розныя віды травяной гарбаты, трапіўшы на "НеслуЧАЙные встречи", наведаць спірытычны сеанс вядомай варажбіткі, адправіць паштовы ліст, напісаны чарнільным пяром. Хэдлайнерам мерапрыемства выступіць адна знакамітая асоба, імя якой застанецца пакуль у сакрэце.
Мы, супрацоўнікі музея, будзем рады правесці прафесійнае свята разам з нашымі наведвальнікамі. Давайце сустрэнемся "на скрыжаваннях гісторыі" ў майскую музейную ноч!
У гады Вялікай Айчыннай вайны баявыя лісткі і насценныя газеты былі даступнай і аператыўнай формай друкаванай агітацыі. Гэта ўнікальныя сведчанні гісторыі, своеасаблівая энцыклапедыя партызанскага жыцця. Кожная газета, баявы лісток выдаваліся ў адзіным экзэмпляры і расказвалі пра жыццё канкрэтнага фарміравання, пра баявыя аперацыі, пра мужнасць і баязлівасць асобных байцоў, пра ўнутраны распарадак жыцця ў атрадзе. Нататкі, вершы, анекдоты, малюнкі, шаржы, карыкатуры перадаюць думкі і пачуцці чалавека на вайне, дэманструюць баявы дух партызан і веру ў перамогу. У іх знайшлі адлюстраванне розныя бакі баявога жыцця і побыту партызан, аналізаваліся баявыя аперацыі, а таксама ўздымаліся тэмы, звязаныя з жыццём той ці іншай партызанскай брыгады.
Перасоўная выстава "Баявы лісток" была створана супрацоўнікамі Віцебскага абласнога краязнаўчага музея ў рамках святкавання юбілею, прысвечанага 80-годдзю вызвалення Беларусі ад нямецка-фашысцкіх захопнікаў. Сёння, напярэдадні Дня Перамогі, гэтая ўнікальная выстава працуе ў нашым музеі. З матэрыяламі выставы можа пазнаёміцца кожны жадаючы з 10 красавіка па 11 мая 2025 года.