Буфет
Драўляны сталовы буфет невядомай вытворчасці. Складаецца з двух частак, не замацаваных паміж сабой. Ніжняя тумба дзеліцца на тры секцыі з асобнымі дзвярыма, вышэй якіх размешчаны тры шуфляды. Цікава, што над сярэдняй шуфлядай схавана спецыяльная высоўная дошка. Верхняя тумба мае больш складаную структуру: па баках знаходзяцца дзве высокія секцыі, паміж якімі месціцца скрыня з двухстворкавымі дзверцамі. Над гэтай скрыняй абсталяваны палічкі ў выглядзе тэрас з балюстрадамі. Буфет багата аздоблены рэльефнай разьбой і шматлікімі дэкаратыўнымі дэталямі ў выглядзе архітэктурных элементаў: калон, арак, карнізаў і інш. Гэты прадмет мэблі мог выкарыстоўвацца для захоўвання посуду, сталовых прыбораў, а таксама закускі і напояў.