Вішнёвы фестываль 2026
Неад'емнай часткай першага фестывальнага дня стаў гарадскі квэст. Па традыцыі яго арганізавалі і правялі супрацоўнікі нашага музея. У гэтым годзе на суд мясцовых знаўцаў гісторыі і аматараў актыўнага адпачынку быў прадстаўлены інтэлектуальна-прыгодніцкі квэст «Вішнёвы код».
Карыстаючыся цудоўным надвор'ем, якое ўстанавілася пятнічным вечарам 24 ліпеня, на старт выйшлі дзесяць каманд, якія прадставілі як установы і арганізацыі горада, так і проста кампаніі сяброў і сваякоў, якія захацелі правесці час весела і з карысцю. Атрымаўшы канверты з заданнямі, каманды кінуліся на пошукі правільных адказаў. Знаходзячы загаданыя аб'екты, удзельнікі фатаграфаваліся на іх фоне і адсылалі фатаграфіі арганізатарам, якія заставаліся на сувязі з камандамі з дапамогай Viber-груп. 
На гэты раз за правільныя адказы каманды-ўдзельніцы атрымлівалі пэўныя лічбы, з якіх на фінальным этапе спаборніцтва ім трэба было скласці асаблівы "вішнёвы код". Важную ролю ў размеркаванні месцаў адыграў час, затрачаны ўдзельнікамі на праходжанне квэста - бо пры роўнасці правільных адказаў перавага заставалася за тымі, хто справіўся з імі хутчэй.
Пераможцам квэста "Вішнёвы код" стала каманда "Код да Вішні". З другім месцам мы шчыра віншуем каманду "Перамога", якая прадстаўляла СШ №1 імя П.А. Сухога. Трэцяе месца за камандай Глыбоцкага МКК.
Мы яшчэ раз дзякуем усім удзельнікам квэста за ўпартасць і настойлівасць, спаўна праяўленыя ў гэты вечар. Няхай кожны ваш дзень будзе адзначаны новымі дасягненнямі і поспехамі! Давайце разам успомнім лепшыя моманты гульні:
А вось і вынікі спаборніцтва:
(27 ліпеня 2026 года)