Выстава юных талентаў
У выставачнай зале музея праходзіць выстава работ выпускнікоў Глыбоцкай дзіцячай мастацкай школы імя Язэпа Драздовіча “Чароўных фарбаў колер”. Юныя мастакі, якія на працягу сямі гадоў асвойвалі майстэрства жывапісу пад кіраўніцтвам сваіх настаўнікаў, прадставілі дыпломныя праекты.
Урачыстае адкрыццё выставы адбылося 29 мая 2026 года. Падтрымаць выпускнікоў у гэты важны для іх дзень прыйшлі родныя і блізкія, сябры і проста знаёмыя. Кульмінацыяй мерапрыемства стала ўручэнне выпускнікам дыпломаў аб заканчэнні мастацкай школы.
Выстава працягвае працаваць да 21 чэрвеня.
(30 мая 2026 года)
