"Вясна 45-га года"
Гэтай выставай мы аддаём даніну памяці тым людзям, якія перамаглі фашызм у 1945 годзе, і заклікаем жыхароў горада і раёна папоўніць яе матэрыяламі са сваіх сямейных архіваў.
Вясну 45-га года наш народ чакаў доўгіх 4 гады, дзякуючы мужнасці і гераізму салдат і афіцэраў, працоўнаму подзвігу простых людзей, ён стаў пераможцам у самай страшнай вайне XX стагоддзя.
Пасля вызвалення Глыбокага многія нашы землякі пайшлі на фронт. Ім трэба было вызваляць ад нямецка-фашысцкіх захопнікаў гарады і вёскі Еўропы. На выставе прадстаўлены ўнікальныя франтавыя фатаграфіі, а таксама пасведчанні да ўзнагарод і ўзнагародныя лісты, якімі былі адзначаны нашы землякі.
