Судная грамота («вырок») великого князя литовского Александра по делу бояр Сенковичей Радковичей с их подданными жителями с. Свило.
11 марта 1495 года
Вырок бояром Полоцким Васку, Гаврилу а Богдану Сенковичом Радковичом с поддаными их Свиляны о выламованию се им з держанья.
Сам Александр божью милостью.
Смотрели есмо того дела с паны радою нашою. Жаловали нам бояре Полоцкие: Васко, а Гаврило, а Богдан Сенковичи, што отец наш, король его милость, дал деду их Гринку, а потом сыну его, отцу их Сеньку осмь чоловеков Свилян в Полоцком повете, а далей отец же наш, король его милость, и достал тых людей, все село Свило, дал деду их и отцу их со всим тым, што к тому селу здавна прислухало, и с куницами, и з бобровыми гоны, и они почали ся были в них отнимати ся, таким обычаем рекома, бы их в них отнял пан Андрей Сакович, коли держал Полтеск за отца нашего. И стояли о том перед нами очевисто Васко, а Гаврило, а Богдан положили перед нами листы отца нашего и те ж пана Сенько в Гедиголдовича лист, иж о том межи ними смотрел и тых людей Свилян всих выдал им; и пана Андреев Саковича лист те ж перед нами положили, што в них людей тых не отыскал.
И мы о том межи ними досмотревши, тые люди Свиляне присудили есмо Васку, а Гаврилу а Богдану Сеньковичом Радковича со всим тым, што к тому селу здавна прислухает, с куницами и з бобровыми гоны, вечно, подлуг листов отца нашего и пана Сенькова Гедиголдовича и пана Андреева Саковича; нехай они им служат по тому, как в листах отца нашого выписано, и всякую дачку дають.
Писан у Вильни. Марта 11 день. Индикт 13.
При том был пан Ян Юрьевич, пан Троцкий, наместник Полоцкий.
"Акты литовской метрики." Том первый, выпуск первый (1413-1498 гг) ст. 62-63