Экскурсійны маршрут “Па старому віленскаму тракту”
Музей прапануе новы экскурсійны маршрут “Па старому Альгердаваму тракту”. Альгердаў тракт, які вёў са сталіцы былога Вялікага княства Літоўскага на Полацк, Віцебск і Смаленск, быў у свой час адной з найважнейшых сухапутных артэрый краіны. Значная частка гэтага шляху праходзіла праз тэрыторыю сучаснага Глыбоцкага раёна. Многія ўнікальныя куточкі нашага краю знаходзяцца на гэтай старажытнай дарозе. Непаўторная прырода Глыбоччыны, цікавыя гістарычныя нарысы, велічныя храмы, а таксама мясціны, цесна звязаныя з лёсам знакамітых людзей – усё гэта змяшчае ў сабе новы маршрут: Глыбокае – Пліса – Прошкава – Празарокі - Чарневічы.