Хто ў дзяцінстве не марыў знайсці куфар са скарбамі, адправіцца ў непралазныя дрымучыя лясы за старажытнымі артэфактамі або адкапаць косткі сапраўднага дыназаўра? А ёсць такія шчасліўчыкі, каму гэта ўдалося. Гэта археолагі – навукоўцы, якія вывучаюць гісторыю чалавецтва па прадметах. Распрацаваны супрацоўнікамі музейна-педагагічны занятак "Па слядах старажытнага чалавека" дае магчымасць дзецям пачатковых класаў асвоіць прафесію археолага, ператварыўшы яе ў займальную і карысную гульню. А паколькі археалогія непарыўна звязана з гісторыяй, дзеці адначасова вучыцца арыентавацца ў этапах чалавечай гісторыі і размяркоўваць падзеі і эпохі па «стужцы часу», што станоўча адбіваецца на іх веданні прадмета і адзнаках.
Як і іх далёкія продкі, дзеці спрабуюць здабываць агонь, майстраваць вуду, разгадваць рэбусы і адказваць на складаныя пытанні віктарыны. Гульнявыя моманты занятку ў спалучэнні з гісторыка-адукацыйным матэрыялам спрыяе пашырэнню кругагляду і з'яўляюцца стартавай пляцоўкай у захапляльны свет гісторыі.
Музейна-педагагічны занятак "Дарогамі герояў. Вызваленне Глыбоччыны", прысвечаны падзеям Вялікай Айчыннай вайны.Праводзіцца мерапрыемства для вучняў малодшых класаў агульнаадукацыйных школ раёна. Падчас заняткаў дзеці візуальна праходзяць шлях савецкай арміі па тэрыторыі Глыбоцкага раёна летам 1944 года, даведаюцца пра падзеі таго часу, выконваюць разнапланавыя заданні на ўважлівасць, эрудыцыю і веданне гістарычнага мінулага сваёй краіны. Яны «змагаюцца» у танкавым баі, складваюць салдацкі рэчмяшок, аказваюць першую медыцынскую дапамогу «параненаму», праводзяць «размініраванне» і многае іншае. Час правядзення занятку адпавядае часу школьнага ўрока.
Музейна-педагагічны занятак "Два мястэчкі - адна гісторыя" пераносіць наведвальнікаў на пяць стагоддзяў таму, у старажытнае мястэчка Глыбокае. Іх сустракаюць найбольш яскравыя прадстаўнікі глыбоцкай шляхты – Юры Зяновіч і Іосіф Корсак. Яны не толькі расказваюць удзельнікам мерапрыемства пра сябе і сваё жыццё, але і прапануюць пагуляць у розныя гульні, разгадаць складаныя рэбусы і віктарыны. Падзяліўшыся на дзве каманды, наведвальнікі вывучаюць асновы геральдыкі і ствараюць свае ўласныя гербы, разгадваюць значэнне слоў-архаізмаў, купляюць тавары ў яўрэйскай краме, выкарыстоўваючы пры гэтым сапраўдныя грошы той эпохі.
Музейна-педагагічны занятак "Аб чым нам расказаў музей" накіраваны на фарміраванне базавага прадстаўлення аб музеі ў дзяцей пачатковай школы і дашкольнага ўзросту. Музейны педагог раскажа дзецям аб тым, што азначае само паняцце "музей", дзе і калі з'явіліся першыя музеі. Дзеці даведаюцца, што такое экспазіцыя, у чым розніца паміж музейным прадметам і экспанатам, асвояць асновы музейнай этыкі. Занятак дапаможа развіць у дзіцяці жаданне вывучаць гісторыю роднага краю, сфарміраваць разуменне адносін гістарычных эпох з сучаснасцю.
Пра жыццё сваіх дзядуль і бабуль даведаюцца вучні пачатковых класаў падчас музейна-педагагічнага занятку "Забавы ў стылі рэтра". З дапамогай музейных прадметаў яны пазнаюць і ацэняць значнасць сялянскага жыцця ў даўнія часы. Кожнаму ўдзельніку мерапрыемства прадставіцца магчымасць не толькі ўбачыць старажытныя прылады працы і розныя прыстасаванні, але і папрацаваць імі.
Якім бы складаным не было жыццё нашых продкаў, дзеці заўсёды знаходзілі час для адпачынку. На музейным занятку ім прадставіцца ўнікальная магчымасць пагуляць у разнастайныя старажытныя гульні: "Злаві птушку", "Вартаўнік", "Накід" і іншыя. Гэтыя гульні патрабуюць ад іх не толькі актыўных дзеянняў і фізічных намаганняў, але, у першую чаргу, уважлівасці, цярпенні і сяброўскай падтрымкі.
Музейна-педагагічны занятак, які праводзіцца для вучняў 3-6 класаў, уключае ў сябе пазнавальны матэрыял з гульнявымі момантамі. Занятак праходзіць як спаборніцтва: вучні класа дзеляцца на каманды, адказваюць на пытанні, і за правільныя адказы атрымліваюць спецыяльныя жэтоны, па якіх вызначаецца пераможца.
Расказ музейнага педагога суправаджаецца мультымедыйнай прэзентацыяй, а музейныя экспанаты (фрагменты папіруса, пергамент, гліняная таблічка, старажытныя кнігі) дазваляюць дзецям дакрануцца да прадметаў даўніны і даведацца пра нешта новае.
Музейна-педагагічны занятак пераносіць яго ўдзельнікаў у школу пачатку ХХ стагоддзя. Музейныя экспанаты спецыяльнай накіраванасці ствараюць атмасферу школьнага жыцця нашых продкаў і знаёмяць з навучальным працэсам таго часу. Апавяданне пра царкоўна-прыходскую школу пачатку мінулага стагоддзя суправаджаецца не толькі дэманстрацыяй розных атрыбутаў навучальнага працэсу таго часу, але і дае магчымасць дзецям рашыць задачу стогадовай даўнасці з падручніка па арыфметыцы або авалодаць чыстапісаннем, выводзячы літары ў сшытку сапраўдным гусіным пяром.
Занятак праводзіцца для вучняў 3-6 класаў у памяшканні музея. Вучні знаёмяцца з тэхналогіяй вырошчвання льну, спецыфікай апрацоўкі сыравіны, працэсам атрымання тканіны. Падчас правядзення занятку выкарыстоўваюцца музейныя прадметы: прасліца, мялка, калаўрот, верацяно. Вучні ўдзельнічаюць у тэматычных гульнях, конкурсах, віктарынах, якія падрыхтавалі для іх музейныя педагогі.
Праводзіцца для вучняў пачатковых класаў у музейнай зале, прысвечанай гісторыі кавальскага рамяства. Наведвальнікі знаёмяцца з асаблівасцямі апрацоўкі металу, інструментамі і прыладамі старажытнай вясковай кузні. Дзеці змогуць не толькі паспрабаваць сябе ў якасці каваля ці яго вучня, але і ўбачаць шматлікія каваныя вырабы мясцовых майстроў-кавалёў. На заканчэнні мерапрыемства дэманструецца дакументальны фільм пра адраджэнне рамяства на Глыбоччыне.
Музейна-педагагічны занятак праводзіцца для вучняў пачатковых класаў. Праз гульню, дзеці даведаюцца аб з'яўленні грошаў і асаблівасцях іх абарачэння на землях Беларусі.
Занятак праходзіць у фармаце настольнай каманднай гульні-спаборніцтва. Перамагае тая каманда, якая збярэ найбольшую колькасць манет, правільна адказаўшы на схаваныя на гульнявым полі пытанні. Прычым, усе пытанні віктарыны звязаны з гісторыяй грошаў.