З канца XVII стагоддзя гісторыя Глыбокага была цесна звязана з гісторыяй яўрэйскага народа, прадстаўнікі якога, складаючы значны працэнт насельніцтва колішняга мястэчка, мірна суседнічалі з беларусамі. Мястэчкі, накшталт Глыбокага, былі асяродкам унікальнай культуры, назаўсёды страчанай у віхуры апошняй вайны. Экскурсія закранае самыя розныя старонкі з гісторыі мясцовай яўрэйскай абшчыны: вы пазнаёміцеся з архітэктурнай спадчынай глыбачан-яўрэяў, даведаецеся пра тое, што звязвае з Глыбокім “бацьку сучаснага іўрыта” Эліэзэра Бэн-Ягуду, убачыце на старых яўрэйскіх могілках адно з найбольш старажытных на Беларусі надмагілляў і наведаеце помнік ахвярам знішчанага глыбоцкага гета.
Запрашаем вас на прагулку!
Праграма музейнай экскурсіі:
“У гасцях у манахаў” (наведванне касцёла Беззаганнага Зачацця Найсвяцейшай Дзевы Марыі і кляштара ордэна францысканцаў):
агляд храма і тэрыторыі вакол кляштара манахаў францысканцаў;
наведванне музея св. Максіміліяну Колбе і яго помніка;
знаёмства з фотавыставай аб місіянерскай дзейнасці францысканцаў.
“Ландшафтны парк і касцёл вёскі Мосар” (наведванне культурна-дэндралагічнага комплексу вёскі Мосар):
знаёмства з гісторыяй вёскі;
агляд помнікаў і скульптурных кампазіццый комплекса;
прагулка па алеях і наведванне мосарскіх крыніц.
“Жамчужына беларускай архітэктуры” (наведванне царквы Раства Багародзіцы на плошчы 17 верасня г. Глыбокае):
знаёмства з архітэктурай кафедральнага сабора Раства Багародзіцы і яго ўнутраным убранствам;
наведванне скляпенняў храма і кляштара;
пад'ём на адну з вежаў храма і агляд панарамы горада;
“Спадчына зямлі Глыбоцкай” (наведванне касцёла Святой Тройцы г. Глыбокае):
знаёмства з гісторыяй касцёла і агляд архітэктурных асаблівасцяў храма;
наведванне храма і знаёмства з яго унутраным убранствам.
Музей прапануе новы экскурсійны маршрут “Па старому Альгердаваму тракту”. Альгердаў тракт, які вёў са сталіцы былога Вялікага княства Літоўскага на Полацк, Віцебск і Смаленск, быў у свой час адной з найважнейшых сухапутных артэрый краіны. Значная частка гэтага шляху праходзіла праз тэрыторыю сучаснага Глыбоцкага раёна. Многія ўнікальныя куточкі нашага краю знаходзяцца на гэтай старажытнай дарозе. Непаўторная прырода Глыбоччыны, цікавыя гістарычныя нарысы, велічныя храмы, а таксама мясціны, цесна звязаныя з лёсам знакамітых людзей – усё гэта змяшчае ў сабе новы маршрут: Глыбокае – Пліса – Прошкава – Празарокі - Чарневічы.