Лекцыя распавядае пра гістарычныя прадпасылкі Рыжскай мірнай дамовы, умовы яе заключэння і вынікі. Лекцыйны матэрыял разглядае перадумовы падпісання Рыжскай дамовы: распад Расійскай імперыі і атрыманне Польшчай незалежнасці, прыход да ўлады ўрада Пілсудскага, падзеі савецка-польскай вайны. Пад час лекцыі, яе наведвальнікі даведаюцца пра вынікі ўвахода тэрыторыі Глыбоччыны ў склад Польскай Рэспублікі, прамысловае і сельскагаспадарчае развіццё рэгіёна ў міжваенны час. Лекцыя суправаджаецца мультымедыйным паказам і дэманстрацыяй музейных прадметаў указанага часу з фондаў музея. Мерапрыемства арыентавана на розную ўзроставую катэгорыю наведвальнікаў.
Падчас музейнай лекцыі наведвальнікі, праз знаёмства з біяграфіямі знакамітых асоб глыбоцкай зямлі, вывучаюць найважнейшыя старонкі гісторыі свайго краю, сваёй краіны. Музейныя прадметы з фондаў музея, якія дэманструюцца падчас правядзення лекцыі, дазволяць падрабязней даведацца пра выдатных асоб у гісторыі, а элементы інтэрактыву зробяць лекцыю больш цікавай і інфарматыўнай.
Лекцыйны матэрыял, падрыхтаваны супрацоўнікамі музея на падставе тэматычных дакументаў з музейных фондаў. У рамках мерапрыемства разглядаецца тэма масавага знішчэння мірных жыхароў Глыбоцкага раёна ў гады Вялікай Айчыннай вайны. Удзельнікамі мерапрыемства абмяркоўваюцца надзённыя пытанні захавання памяці аб гераічным мінулым беларускага народа, важнасці недапушчэння скажэння гісторыі, данясення і перадачы праўды наступным пакаленням. Лекцыйны матэрыял распрацаваны з улікам асаблівасцей аўдыторыі і разлічаны на рознаўзроставую катэгорыю наведвальнікаў.
Лекцыйны матэрыял, распрацаваны супрацоўнікамі нашага музея, знаёміць з асаблівасцямі гісторыка-культурнай спадчыны рэгіёна. Падчас мерапрыемства яго ўдзельнікі здзяйсняюць віртуальнае падарожжа па культавых аб'ектах архітэктурнай спадчыны рэгіёна, выкарыстоўваючы пры гэтым акуляры віртуальнай рэальнасці.
Музейнае мерапрыемства дазваляе здзейсніць віртуальную экскурсію па раённым цэнтры і ўбачыць, як на працягу апошніх 80-ці гадоў мяняўся горад і яго жыхары. Падарожнічаць па Глыбокім дапамогуць старыя архіўныя фотаздымкі, што захоўваюцца ў музейных фондах. Дапоўненыя сучаснымі выявамі з відамі гарадскіх вуліц, будынкаў і плошчаў, яны абавязкова зацікавяць наведвальнікаў мерапрыемства.
Лекцыя распавядае пра падзеі Вялікай Айчыннай вайны на Глыбоччыне. У ходзе правядзення мерапрыемства дэманструецца відэафільм, падрыхтаваны супрацоўнікамі музея на падставе ўспамінаў відавочцаў ваенных падзей, а таксама ўключае звесткі аб існаванні лагера смерці і яўрэйскага гета, аб барацьбе падпольнай арганізацыі і вызваленні горада. У фільме выкарыстаны кадры ваеннай хронікі, фота і відэа архіў музея.
Музейная лекцыя знаёміць з гісторыяй яўрэйскай абшчыны горада Глыбокае, яе традыцыямі і абрадамі. Падчас падачы лекцыйнага матэрыялу выкарыстоўваюцца музейныя экспанаты: стос, таліт, таліт-катан, тфілін, мезуза, шабатныя свечкі, ханукальны падсвечнік і інш. Музейнае мерапрыемства падзелена на два тэматычныя блокі. Першы расказвае пра гісторыю яўрэйскай абшчыны горада, другі – пра яўрэйскія традыцыі. У ходзе лекцыі закранаюцца пытанні архітэктурнай спадчыны горада, сацыяльна-культурнага жыцця мясцовай яўрэйскай абшчыны, дзейнасці яўрэйскіх школ, маладзёжных арганізацый, дабрачынных таварыстваў, драматычных гурткоў, музычных калектываў, спартыўных яўрэйскіх таварыстваў. Частка лекцыйнага матэрыялу расказвае аб масавым знішчэнні яўрэйскага народа ў гады Вялікай Айчыннай вайны.
Вашай увазе прапануем мультымедыйную лекцыю, якую падрыхтавалі навуковыя супрацоўнікі нашага музея. Яна дазволіць акунуцца ў гісторыю, успомніць мінулае, найбольш поўна раскажа пра архітэктурную спадчыну Глыбокага пачатку ХХ стагоддзя. У час лекцыі дэманструюцца найбольш цікавыя паштовыя карткі з фондаў нашага музея, а таксама прыватных збораў калекцыянераў. Страчаныя будынкі і зніклыя вуліцы паўстаюць на іх у сваёй першароднай прыгажосці, дазваляюць пагрузіцца ў сапраўдную атмасферу невялікага беларускага мястэчка пачатку ХХ стагоддзі. Падчас лекцыі, яе слухачы змогуць здзейсніць вандраванне па вуліцах і плошчах старога горада, параўноўваючы яго з сучасным горадам і аналізуючы змены за апошнія сто гадоў.
Лекцыя будзе цікавая знаўцам гісторыі роднага горада, усім, хто цікавіцца яго мінулым, а таксама філатэлістам і філакартыстам.
