"Глыбокае: яўрэйскія старонкі гісторыі"
Музейная лекцыя знаёміць з гісторыяй яўрэйскай абшчыны горада Глыбокае, яе традыцыямі і абрадамі. Падчас падачы лекцыйнага матэрыялу выкарыстоўваюцца музейныя экспанаты: стос, таліт, таліт-катан, тфілін, мезуза, шабатныя свечкі, ханукальны падсвечнік і інш. Музейнае мерапрыемства падзелена на два тэматычныя блокі. Першы расказвае пра гісторыю яўрэйскай абшчыны горада, другі – пра яўрэйскія традыцыі. У ходзе лекцыі закранаюцца пытанні архітэктурнай спадчыны горада, сацыяльна-культурнага жыцця мясцовай яўрэйскай абшчыны, дзейнасці яўрэйскіх школ, маладзёжных арганізацый, дабрачынных таварыстваў, драматычных гурткоў, музычных калектываў, спартыўных яўрэйскіх таварыстваў. Частка лекцыйнага матэрыялу расказвае аб масавым знішчэнні яўрэйскага народа ў гады Вялікай Айчыннай вайны.