Тэматычная экскурсія “Прагулка па яўрэйскаму мястэчку”
З канца XVII стагоддзя гісторыя Глыбокага была цесна звязана з гісторыяй яўрэйскага народа, прадстаўнікі якога, складаючы значны працэнт насельніцтва колішняга мястэчка, мірна суседнічалі з беларусамі. Мястэчкі, накшталт Глыбокага, былі асяродкам унікальнай культуры, назаўсёды страчанай у віхуры апошняй вайны. Экскурсія закранае самыя розныя старонкі з гісторыі мясцовай яўрэйскай абшчыны: вы пазнаёміцеся з архітэктурнай спадчынай глыбачан-яўрэяў, даведаецеся пра тое, што звязвае з Глыбокім “бацьку сучаснага іўрыта” Эліэзэра Бэн-Ягуду, убачыце на старых яўрэйскіх могілках адно з найбольш старажытных на Беларусі надмагілляў і наведаеце помнік ахвярам знішчанага глыбоцкага гета.
Запрашаем вас на прагулку!