Міжнародны дзень помнікаў і гістарычных мясцін
Штогод 18 красавіка адзначаецца Міжнародны дзень помнікаў і гістарычных мясцін. Наш музей таксама адзначыў гэтую знамянальную дату. Супрацоўнікамі ўстановы сумесна з краязнаўцамі рэгіёна быў арганізаваны экскурсійны марафон у анлайн-фармаце «Падарожжа ў свет культурнай спадчыны». У прамым эфіры ў сацыяльнай сетцы Instagram усе жадаючыя змаглі прагуляцца па гарадской набярэжнай і пазнаёміцца з гісторыяй горада, наведаць Сабор Нараджэння Прасвятой Багародзіцы, раскрыць таямніцы старых копцеўскіх могілак і ўбачыць велічны касцёла Святой Тройцы.
Мэта мерапрыемства - прыцягнуць увагу да пытанняў аховы і захавання гісторыка-культурнай спадчыны. І ў нас атрымалася – вялікая колькасць гледачоў, каля 200 праглядаў у сацыяльных сетках, сотні лайкаў і станоўчыя водгукі.
(18 красавіка 2023 года)