Музей вёскі Шоці

Супрацоўнікі музея нядаўна пабывалі ў творчай камандзіроўцы. Даведаўшыся пра тое, што ў вёсцы Шоці намаганнямі...

Візіт пасольства Італьянскай Рэспублікі ў Глыбоцкі раён

Штогод 4 лістапада грамадзяне Італіі адзначаюць Дзень нацыянальнага адзінства і Узброеных Сіл – свята, прысвечанае...

Незвычайная знаходка

Стала ўжо добрай традыцыяй, калі знойдзеныя на гарышчах старых дамоў ці на прасторах інтэрнэт-аўкцыёнаў прадметы...

«Дарога памяці»

У верасні 2019 года на тэрыторыі Глыбоцкага раёна праходзіла акцыя памяці «Во славу общей Победы», прысвечаная 75-годдзю...

Пытанні IV тура квіз-марафона “Пра тую зямлю, дзе нарадзіўся ты”

Падыходзіць да фінішу гістарычны квіз-марафон “Пра тую зямлю, дзе нарадзіўся ты”, які на працягу апошніх месяцаў...

Навукова-практычная канферэнцыя "Беларусь, Глыбоцкі край і Эдвард Вайніловіч»

Навукова-практычная канферэнцыя "Беларусь, Глыбоцкі край і Эдвард Вайніловіч» прайшла ў Глыбокім 25 верасня 2020 года....

Адкуль карані Аляксандра Грына?

Знайсці адказ на гэта пытанне паспрабавалі ўдзельнікі велапрабега «Пунсовыя ветразі», прысвечанага 140-годдзю з дня...

Янка ПачопкаСапраўднае імя - Іван Пятровіч Пачопка, псеўданімы - Башкір, Праваслаўны.

Нарадзіўся 26 кастрычніка (8 лістапада) 1890 года ў в. Летнікі Дзісненскага павета Віленскай губерні ў сям’і лесніка. У 1914 годзе скончыў Варанецкую сельскагаспадарчую школу. Закончыў 3-х месячныя курсы па жывёлагадоўлі і малочнай гаспадарцы пры Віленскім таварыстве сельскай гаспадаркі. Працаваў у Дэпартаменце земляробства Віленскай губерні. Быў рэдактарам двухтыднёвіка “Праваслаўны беларус” (1925), які выдаваўся ў Варшаве. З 1939 па 1958 гг. працаваў аграномам. У 1930-я гг. жыў на ўласнай гаспадарцы. Літаратурную дзейнасць пачаў з напісання вершаў. У 1912 годзе ў газеце “Наша ніва” надрукаваны пераклад з рускай мовы Я. Пачопкі, а ў 1913 годзе гэтае ж выданне апублікавала яго першы верш “Дудар”. Пісаў таксама і прозу.

 Першае апавяданне “Злы лёс” надрукавана ў газеце “Савецкая Беларусь” у 1921 годзе. Многія свае літаратурныя творы падпісваў псеўданімам Башкір (вёска Летнікі, дзе нарадзіўся пісьменнік, дзялілася на два канцы, якія па мясцоваму называліся Башкіры і Вушлакі). З малых гадоў Янка Пачопка любіў слухаць, а потым збіраць і запісваць народныя казкі, паданні, на аснове якіх была напісана кніга “Народныя казкі і апавяданні  Дзісненшчыны”. Але ў 1927 годзе была надрукавана толькі адна казка “Дурнішча: Народная казка з Дзісненшчыны”. Вершы, апавяданні, народныя казкі, паданні, апрацаваныя ім змяшчаліся на старонках дзіцячых часопісаў “Заранка”, “Пралеска”, “Праваслаўны беларус”. Супрацоўнічаў малады пісьменнік з выданнем “Маланка”, дзе публікаваліся яго вершы і байкі пад псеўданімам Шкірба. Творы Янкі Пачопкі друкаваліся і ў заходнебеларускіх часопісах “Калоссе”, “Хрысціянская думка”, газеце “Сялянская ніва”. У 1920-я гг. ў Вільні выйшлі кнігі Янкі Пачопкі на сельскагаспадарчую тэматыку: “Малочная карова: Як яе выбраць, карміць і даглядаць”, “Гародніцтва: Як трэба гаспадарыць на гародзе, каб мець добрае варыва”, “Як выбраць добрага каня”, “Пчолы і як вадзіць іх у рамавых вуллях”. Янка Пачопка быў блізкім сябрам і земляком Язэпа Драздовіча, які зрабіў яго разны партрэт і рыхтаваў ілюстрацыі да яго кніг. Яшчэ ў 1923 годзе  Драздовіч зрабіў усе малюнкі да кнігі “Пчолы і як вадзіць іх у рамавых вуллях”. Многія работы мастака і некаторыя асабістыя рэчы доўгі час захоўваліся ў сям’і Янкі Пачопкі. Пражыў Іван Пятровіч  87 гадоў, вырасціў траіх дзяцей – сына і дзвюх дачок. У старэйшай дачкі, Ліны Іванаўны Павульскай, захаваўся рукапісны сшытак бацькоўскіх вершаў. Гэтую сямейную рэліквію яна перадала на пастаяннае захаванне Дзяржаўнаму музею гісторыі беларускай літаратуры. Памёр Янка Пачопка 26 мая 1977 года, пахаваны ў в. Малінаўка Глыбоцкага раёна.