Глыбокае на старым фотаздымку

Фонды нашага музея папоўніліся новым каштоўным экспанатам. Гэта фатаздымак, зроблены невядомым фатографам у 1920-30-я гады...

Дарогамі вайны. Глыбоцкі раён

Нарысава-публіцыстычная праграма, прысвечаная 75-годдзю вызвалення Беларусі ад нямецка-фашысцкіх захопнікаў, уключае...

Рэха вайны

4 лістапада 2019 года падчас рамонтных работ будынка штаба вайсковай часткі ВК-13 былі знойдзеныя фрагменты надмагільных...

Мосар натхняе!

7 лістапада 2019 года культурна-дэндралагічны комплекс вёскі Мосар наведала група турыстаў з Мінску. У суправаджэнні...

На тэрыторыі культурна-дэндралагічнага комплексу вёскі Мосар закладзены сквер сям'і

У рамках рэспубліканскага праекта па азеляненні гарадоў Беларусі 6 лістапада 2019 года ў культурна-дэндралагічным...

«Камсамол – мой лёс»

29 кастрычніка 2019 года ў сценах нашай установы прайшла музейная сустрэча «Камсамол – мой лёс», прымеркаваная да 101-й...

Падзяка за працу

За значны ўклад у развіццё, захаванне і папулярызацыю гісторыка-культурнай спадчыны Глыбоччыны, працоўны калектыў...

2 ліпеня 1944 года. 729 стралковы полк 145 стралковай дывізіі атрымаў загад на праследванне адыходзячага праціўніка.

Праціўнік, прыкрываючыся невялікімі ар'ергардамі, адступаў у кірунку Глыбокага. У 21.00 полк выступіў з раёна сканцэнтравання і здзейсніў марш на 30 км у раён в. Міхалі і з маршу ўступіў у бой з ар'ергардам праціўніка ў раёне Нядведкі - Жукі. Рашучым наступленнем праціўнік быў выбіты з населеных пунктаў і бязладна адступаў. Замацаваўся праціўнік у раёне Станулі - Жабінка. Пры гэтым праціўнік страціў да 60 салдат і афіцэраў. У 16.00 батальёны занялі зыходнае становішча для наступлення ў раёне в. Латушкі. У 21.00 праціўнік быў выбіты з раёна Станулі - Жабінка. Полк абыходным манеўрам абышоў мястэчка Глыбокае справа і выйшаў у 7.00 да фальварка Шарабаі 3 ліпеня 1944 года.

(матэрыял падрыхтаваны на падставе “Журнала баявых дзеянняў 145 стралковай дывізіі”)

02.07.1944 Полк, пакінуўшы авангард з трох гарматных батарэй, на аўтамашынах, падтрымліваючы 599-ы стралковы полк, праследуе праціўніка ў заходнім кірунку, рухаючыся па маршруце Вялікае Лядзіна на Глыбокае. Да зыходу дня часткі сустрэлі супраціўленне ў раёне вёскі Перавоз і завязалі бой.
4-я батарэя прамой наводкай вяла агонь па вёсцы Перавоз, рассеяўшы да 20 салдат нямецкай пяхоты, знішчыўшы 1 кулямёт.
03.07.1944 Праціўнік адыходзіць у заходнім кірунку. Нашы часткі, пераадольваючы ўпартае супраціўленне праціўніка, прасоўваюцца наперад. У 10.00 завязалі бой у раёне вёскі Галубічы. Праціўнік прадпрыняў контратаку, да зыходу дня выйшлі ў раён Ластавічы.
4-я батарэя, прамой наводкай, гарматы сяржанта Балыбердина, вяло агонь па контратакуючай пяхоце. Пяхота пры падтрымцы некалькіх артылерыйскіх батарэй, перайшла ў контратаку з самаходкай «Фердынанд». Нямецкая гармата біла адразу, падышоўшы на 200 метраў спынілася, адкрыла беглы агонь. Завязалася артылерыйскі дуэль.
Камандуючы гарматай, камандзір узвода, малодшы лейтэнант Нафенка, камандзір гарматы Балыбердзін, наводчык сяржант Маркаў, уступілі ў няроўны бой. Дуэль скончылася перамогай савецкіх артылерыстаў, «Фердынанд» падпалены. Будучы параненымі, камандзір гарматы, наводчык і камандзір гарматы заставаліся ў страі. Сцякаючы крывёй, загінуў малодшы лейтэнант Нафенка, цяжка паранены наводчык Маркаў і лёгка паранены камандзір гарматы Балыбердзін. Батарэя падбіла адну машыну і знішчыла 20 салдат.
04.07.1944 Праціўнік, моцна мініруючы мясцовасць, аказваючы ўздзеянне на нашы баявыя парадкі, адыходзіць у заходнім кірунку. Нашы часткі з баямі занялі раённы цэнтр Глыбокае і да зыходу дня дасягнулі ст. Варапаева, дзе праціўнік аказаў моцнае супраціўленне.

 (матэрыял падрыхтаваны на падставе “Журнала баявых дзеянняў 277-га артылерыйскага палка”)

Мультымедыйная лекцыя "Мы памятаем…". Лекцыя распавядае пра падзеі Вялікай Айчыннай вайны на Глыбоччыне. У ходзе правядзення мерапрыемства дэманструецца відэафільм, падрыхтаваны супрацоўнікамі музея на падставе ўспамінаў відавочцаў ваенных падзей, а таксама ўключае звесткі аб існаванні лагера смерці і яўрэйскага гета, аб барацьбе падпольнай арганізацыі і вызваленні горада. У фільме выкарыстаны кадры ваеннай хронікі, фота і відэа архіў музея. 

Тэматычная выстава «Пра герояў былых часоў». Інсталяцыйнае рашэнне выставы выканана з дапамогай фондавых калекцый ваеннай тэматыкі. Узнагародныя знакі, ордэны і медалі, дакументы і друкаваныя выданні, ваенная амуніцыя - гэта тое нямногае, што змогуць убачыць наведвальнікі выставы.

Мерапрыемствы маюць мабільны характар, а таму могуць быць праведзены на базе ўстаноў адукацыі, на прадпрыемствах і арганізацыях горада і раёна.

Гістарычнае падарожжа з наведваннем памятных знакаў, воінскіх і мемарыяльных пахаванняў горада і раёна. Мемарыяльны комплекс «Барок», месцы масавага расстрэлу яўрэяў Глыбокага, брацкія магілы, помнік спаленым вёскам, помнік на магіле італьянскіх ваеннапалонных, памятны знак глыбоцкім падпольшчыкам – такі маршрут, на якім супрацоўнікі музея прапануюць узгадаць пра падзеі ваенных гадоў на Глыбоччыне. 

ДАВАЙТЕ ПАМЯТАЦЬ І НІКОЛІ НЕ ЗАБЫВАЦЬ АБ ПОДЗВІГАХ НАШЫХ БАЦЬКОЎ, ДЗЯДОЎ І ПРАДЗЕДАЎ

Савецкія разведчыкі перад адпраўкай у тыл ворага23 верасня 1943 года савецкія войскі вызвалілі ад нямецкіх захопнікаў першы населены пункт Беларусі - гарадскі пасёлак Камарын, што на Гомельшчыне. Да канца восені гітлераўцы пакінулі Мсціслаў, Крычаў, Гомель і яшчэ некалькі раённых цэнтраў на ўсходзе краіны, але далей прасунуцца нашы войскі ў той час не змаглі. Да вызвалення асноўнай часткі Беларусі заставаліся яшчэ доўгія паўгода.
Рыхтуючыся да маштабнай аперацыі па вызваленні Беларусі, савецкае камандаванне мела патрэбу ў дакладнай і надзейнай інфармацыі аб становішчы спраў на акупаванай тэрыторыі. З гэтай мэтай у савецкім тыле органамі дзяржаўнай бяспекі фармаваліся спецыяльныя дыверсійна-разведвальныя групы, якія затым перапраўляліся праз лінію фронту.
У канцы верасня 1943 года з фронту быў адкліканы будучы камандзір адной з такіх груп - Пётр Мікітавіч Максіменка. Яго кандыдатура ў якасці камандзіра разведгрупы была абраная невыпадкова - да вайны Пётр Мікітавіч узначальваў Глыбоцкі раённы аддзел Наркамата дзяржаўнай бяспекі, а менавіта ў Глыбоцкай акрузе і павінна была дзейнічаць яго разведвальна-дыверсійная група, якая атрымала назву «Паўночныя». Першапачаткова «Паўночныя» налічвалі толькі 8 чалавек: камандзір, два намеснікі, чатыры байцы і радыстка (сярод іх тры беларусы). Падборам кандыдатаў займаўся непасрэдна сам Максіменка. Баявая задача была пастаўлена па трох накірунках: разведка (атрыманне дадзеных аб перамяшчэнні нямецкіх войскаў, іх колькасць і ўзбраенне, выяўленне месцаў размяшчэння складоў), контрразведка (выяўленне варожых агентаў і дыверсантаў) і, нарэшце, правядзенне дыверсій на чыгунцы і іншых аб'ектах, якія мелі істотнае значэнне для акупантаў: электрастанцыі, вузлы сувязі, майстэрні, прамысловыя прадпрыемствы і інш.

База дадзеных з'яўляецца вынікам навукова-даследчай працы. Выяўленне новых імёнаў і ўнясенне дапаўненняў працягваецца. Прадстаўленыя ў базе дадзеных звесткі могуць быць няпоўнымі або ўтрымліваць недакладную інфармацыю пра персаналіі. З мэтай дапаўнення і ўдакладнення дадзеных просім паведамляць на электронную пошту музея любую інфармацыю для далейшага вывучэння і ўнясення змяненняў. Глядзець тут.